Një ekip psikologësh nga Universiteti i Milano-Bicoça dhe Instituti Shkencor IRÇS E. Medea, në Njësinë e Psikopatologjisë së Fëmijëve në Itali, zbuluan një tregues që mund të zbulojë çrregullimin e spektrit të autizmit te fëmijët deri në moshën 7-muajshe.

Në hulumtimin e publikuar në internet në PLoS ONE, ekipi shkencor shqyrtoi fëmijët që ishin në rrezik për zhvillimin e çrregullimit dhe i krahasoi rezultatet me fëmijët që nuk ishin në rrezik. Studiuesit më pas i ndoqën fëmijët për dy vjet për të parë nëse ndonjëri prej tyre e zhvilloi këtë çrregullim.

Vihet re se diagnoza e çrregullimit te fëmijët nën moshën tre vjeç bëhet e vështirë për shkak se nuk kanë zhvilluar ende aftësitë e komunikimit dhe të të folurit. U zgjodhën 19 foshnja më të vogla se 7-muajshe dhe prindërit e tyre.

Të gjitha foshnjat kishin vëllezër e motra më të mëdhenj të diagnostikuar me autizëm, gjë që studiuesit thonë se i vendos ata në një grup me rrezik të lartë. 19 foshnja të tjera me prindërit e tyre të cilët nuk ishin në rrezik të zhvillimit të çrregullimit të spektrit të autizmit morën pjesë në hulumtim.

Të gjitha foshnjave iu dhanë teste statistikore të të mësuarit dhe u ndoqën gjatë dy viteve të ardhshme për të parë nëse do të zhvillonin çrregullime të spektrit të autizmit. Studiuesit kryen një seri testesh që përfshinin shfaqjen e fotografive të secilës foshnjë dhe vëzhgimin se si reagonin ndaj modeleve të ngjashme të fotografive në fotografi të tjera.

Studiuesit zbuluan se fëmijët me rrezik të lartë për zhvillimin e çrregullimit kishin një vështirësi më të madhe me testet specifike vizuale, ndërsa ata me rezultatet më të këqija kishin më shumë gjasa të rrezikoheshin nga zhvillimi i çrregullimit të spektrit të autizmit më vonë.

Ekipi hulumtues pranon se gjetjet e tyre janë paraprake, duke vënë në dukje se nevojiten më shumë kërkime për të konfirmuar se ky lloj testimi statistikor mund të përdoret për të diagnostikuar autizmin te foshnjat.

Rikujtojmë, se hapësirat e mbushura me lëngje rreth enëve të gjakut të trurit kanë nevojë për “pastrimin” e duhur të mbetjeve çdo disa orë. Kur kjo dështon të ndodhë, rreziku i fëmijës për autizëm duket se rritet, tregon një studim i ri.

Është shumë herët të thuhet se problemet brenda këtyre hapësirave “perivaskulare” shkaktojnë autizëm, por duket se është një tregues i hershëm për gjendjen, raporton një ekip nga Universiteti i Karolinës së Veriut.