Konferenca Vjetore Rajonale e Regional Challenge Fund (Fondi i Sfidës Rajonale)

Investim në zhvillimin e kapitalit njerëzor për të mbyllur hendekun në ekonomitë tona rajonale

Tiranë, 12 qershor 2024, NOA.al – Në Tiranë, u zhvillua Konferenca Vjetore Rajonale e Fondit të Sfidës Rajonale (RCF) e fokusuar tek “Realizimi i mundësive: Ndërtimi i kapitalit njerëzor në Ballkanin Perëndimor 6 për integrimin në tregun e vetëm të BE-së”.

Ngjarja ofroi një platformë për dialogun rajonal dhe shkëmbimin e praktikave më të mira ndërmjet aktorëve kryesorë në arsimin dhe aftësimin profesional (AFP).

Tema qendrore ishte aspekti kritik i zhvillimit të kapitalit njerëzor brenda kontekstit të integrimit në Bashkimin Evropian të Ballkanit Perëndimor, një momentum i forcuar më tej nga Plani i Rritjes së BE-së.

“Fokusi i kësaj konference është investimi në zhvillimin e kapitalit njerëzor në Ballkanin Perëndimor me synim integrimin në tregun e BE-së, duke vënë theksin në nxitjen e rritjes ekonomike dhe kapaciteteve të fuqisë punëtore”, – tha Olta Manjani, zv/ministre e Ministrisë së Ekonomisë, Kulturës dhe Inovacionit të Shqipërisë.

Ajo theksoi rëndësinë e zbatimit të politikave të të mësuarit gjatë gjithë jetës dhe ndërtimit të partneriteteve me sektorin privat për të arritur një zhvillim të qëndrueshëm ekonomik dhe për të hapur rrugën për integrimin në tregun e BE-së.

Ines Mucostepa, Anëtare e Bordit Drejtues të Forumit të Investimeve të Dhomave të Ballkanit Perëndimor dhe Presidente e Bashkimit të Dhomave të Tregtisë dhe Industrisë së Shqipërisë, nënvizoi rëndësinë e zhvillimit të kapitalit njerëzor në Ballkanin Perëndimor dhe nevojën për investime të përbashkëta për të adresuar sfidat në fushën e punësimit dhe ekonomisë së gjelbër.

Ajo shprehu besim në krijimin e një tregu të përbashkët rajonal dhe forcimin e bashkëpunimit në trajnime dhe zhvillimin e kapaciteteve njerëzore.

“Është thelbësore të veprojmë së bashku për të adresuar sfidat dhe për të krijuar mekanizma të fortë financiarë për të mbështetur këtë qëllim. Vetëm duke investuar së bashku mund të kontribuojmë në mbylljen e hendekut në ekonomitë tona”, – përfundoi Mucostepa.

Organizatori, Regional Challenge Fund punon për rritjen e konkurrencës së qëndrueshme të bizneseve në Ballkanin Perëndimor në rrugën drejt tregut të përbashkët të BE-së, duke financuar aktorët dhe organizmat në fushën e arsimit dhe trajnimit profesional që adresojnë nevojat për aftësi, në bashkëpunim me kompanitë. Është një mekanizëm financiar unik i financuar nga qeveritë e Gjermanisë dhe Zvicrës, i cili shërben gjithashtu si një platformë për bashkëpunim, nxitje të dialogut rajonal dhe qasjeve të harmonizuara ndaj zhvillimit të kapitalit njerëzor në Ballkanin Perëndimor.

Martin Zickendraht, Sekretar i Parë, Ambasada e Gjermanisë në Shqipëri theksoi se mbetet e nje rendesie shume te madhe zhvillimi i kapitalit njerezor si nje menyre per te zberthyer kapacitetet e rajonit te Ballkanit Perendimor dhe per te nxitur zhvillimin e qendrueshem te tij ekonomik dhe jo vetem por edhe politik. Ne kuader te integrimit  ne nje treg te vetem europian rezulton se vlera e nje force punetore te edukuar mire eshte e nje vlere te pakrahasuar.

“Ne kemi konstatuar nje potencial shume te larte njerezor ne kete rajon por eshte e nevojshme te merren masa per ndryshimin dhe evoluimin e metodave te arsimit per tju pershtatur nevojave te tregut”, – u shpreh Martin Zickendraht.

Në partneritet me Ministrinë e Ekonomisë, Kulturës dhe Inovacionit të Republikës së Shqipërisë, në panelin kryesor "Sistemet e Arsimit dhe Formimit Profesional të Ballkanit Perëndimor si një forcë nxitëse e rritjes ekonomike: Prioritetet dhe Sfidat e Reformës", morën pjesë krerët e agjencive të AFP-së nga rajoni, të cilët u angazhuan në një bisedë mbi peizazhin aktual të AFP-së në rajon dhe rrugët përpara.

"Investimi në kapitalin njerëzor është kyç për përparimin ekonomik dhe integrimin evropian, duke shërbyer si një forcë lëvizëse për rritjen e qëndrueshme dhe avancimin e shoqërisë. Prioriteti i arsimit, trajnimit, zhvillimit të aftësive hedh themelet për një shoqëri gjithëpërfshirëse dhe promovon inovacionin, produktivitetin dhe konkurrencën në niveli global”, – tha Andjela Jaksic-Stojanoviq, Ministre e Arsimit, Shkencës dhe Inovacionit të Malit të Zi.

Ajo shtoi se nismat si sistemet modulare të arsimit në Mal të Zi dhe integrimi i mjeteve digjitale synojnë të përgatisin studentët për tregun e punës.

Nën drejtimin e Institutit Federal Gjerman për Arsimin dhe Trajnimin Profesional (BIBB) nga qyteti i Bonit, një instrument i ri zinxhiri i AFP-së do të ketë një prezantim pilot në një event të mbyllur në ditën e dytë të konferencës. Instrumenti ndihmon në rritjen e ndërgjegjësimit për rëndësinë e qëndrueshmërisë përgjatë zinxhirit të furnizimit në fushën e arsimit dhe trajnimit profesional.

“Meqenëse zinxhirët e furnizimit janë globalë dhe ne i kemi të përcaktuara objektivat tona të zhvillimit të qëndrueshëm, nuk duhet të fokusohemi vetëm në stacione të ndryshme të zinxhirit të vlerës, por edhe të rrisim ndërgjegjësimin dhe ndjeshmërinë ndaj arsimit të qëndrueshëm profesional”, – tha moderatorja e seminarit, znj. Hannelore. Kress, Menaxher i Lartë i Projektit, Instituti Federal Gjerman për Arsimin dhe Aftësimin Profesional (BIBB).

“Kjo është e rëndësishme për të mbajtur të rinjtë të punojnë më tej për kompaninë dhe për të shumëfishuar këtë efekt ndërgjegjësues dhe përvojë për të prodhuar produkte më të mira dhe më të drejta”, – shpjegoi Kress.

Aktiviteti mblodhi përfaqësues të ministrive dhe organeve qeveritare përgjegjëse për arsimin profesional, zyrtarë nga Forumi i Investimeve i 6 Dhomave të Ballkanit Perëndimor (WB6 CIF), dhomat e tregtisë nga rajoni, Ministria Federale Gjermane e Bashkëpunimit dhe Zhvillimit Ekonomik (BMZ), KfW Development Bank, Ambasada Zvicerane, ofrues të arsimit dhe trajnimit profesional që fituan grantet e RCF për programet e tyre të trajnimit bashkëpunues me kompanitë e tyre partnere.

***

Regional Challenge Fund (Fondi i Sfidës Rajonale) është një strukturë financimi e krijuar për të rritur konkurrencën e sipërmarrjeve në Ballkanin Perëndimor 6 duke financuar investime në pajisje dhe infrastrukturë të projekteve të trajnimit të dyfishtë dhe atyre profesional të krijuar nga ofruesit e trajnimit profesional dhe ndërmarrjet në partneritet. Grantet shpërndahen përmes një sfide rajonale konkurruese.

Ministria Federale Gjermane për Bashkëpunimin dhe Zhvillimin Ekonomik ka akorduar 64.43 milionë euro për RCF-në dhe qeveria zvicerane, e përfaqësuar nga SDC Swiss Development Cooperation, bashkëfinancoi një shtesë prej 9.7 milionë franga.Fondet i janë besuar KfW Development Bank dhe janë ekzekutuar nga Forumi i Investimeve i Dhomës së Ballkanit Perëndimor 6 (WB6-CIF), një iniciativë e përbashkët e dhomave të tregtisë nga rajoni.Fondi zbatohet nga konsorciumet konsulente.