Kryeministri Edi Rama, përgjatë një konference me kryetarin e Komunës së Prishtinës, Përparim Rama, u pyet përsa i përket çështjes lidhur me përzgjedhjen e Fredi Belerit si eurodeputet.

Kreu i qeverisë nuk dëshiroi të fliste për këtë temë, duke u shprehur se është në Kosovë e nuk ka asnjë koment për zgjedhjen e tij si deputet i Parlamentit Evropian.

Pyetje: Si e komenti zgjedhjet e Fredi Belerit eurodeputet?

Edi Rama: Nuk kam asnjë koment për këtë, jam në Prishtinë.

Më tej, Rama u shpreh se politika e jashtme është bërë si e brendshme, duke e cilësuar si një tendencë në rritje.

“Për fat të keq politika e jashtme është bërë politikë e brendshme, një tendencë që thellon më shumë, që mund të sjellë më shumë vota këtu po i bën më shumë dëm Kosovës jashtë”, u shpreh Rama.