Fredi Beleri me shumë mundësi do të jetë deputet në parlamentin europian, pasi për momentin renditet i treti mes kandidatëve më të votuar të Nea Demokracia në Greqi e cila do të çojë 7 deputetë në parlamentin e Brukselit.

Ndërkohë në Himarë ka nisur festa teksa kanë hedhur fishekzjarre dhe njerëzit janë jashtë duke festuar për Belerin, i cili ndodhet në burgun e Fierit pas hetimeve të SPAK për shit-blerje votash në zgjedhjet e 14 majit të 2023, ku Beleri ishte kandidat për bashkinë e Himarës.