![](https://noa.al/newsImages/2024/05/Screenshot_20240530_183317_Chrome.jpg)
Missing Alert: Një vajzë 4-vjeçare u zhduk në Kypseli së bashku me stërgjyshen e saj që vuan nga demenca. Kushdo që ka informacion është i lutur të kontaktojë me telefon me Buzëqeshjen e Fëmijës ose Policinë
Athinë, Greqi, 30 Maj 2024 /noa.al- Është lëshuar alarmi në Policinë greke për zhdukjen e një vajze 4-vjeçare në Kypseli si dhe stërgjyshes së saj që vuan nga demenca.
"Buzëqeshja e Fëmijës” lëshoi një Amber Alert për Amarisa Mejdani dhe 76-vjeçaren Esma Mejdani, e cila përballet me probleme të ndërgjegjes dhe ka imazhin e një të sëmure nga demenca.
Amarisa ka flokë të shkurtër kafe, sy kafe, është një metër e gjatë dhe ka një fund të bardhë dhe një bluzë rozë.
“Buzëqeshja e Fëmijës” u njoftua për zhdukjen e tyre dje të mërkurën. Menjëherë pas urdhrit të prokurorit për të miturën Amarisa dhe kërkesës së familjes për 76-vjeçaren me origjinë shqiptare, organizata ka vijuar aktivizimin e mekanizmit Amber Alert Hellas.
“Bashkëpunimi dhe mobilizimi i të gjithëve ne vlerësohet i nevojshëm për identifikimin e tyre në kohë”, thuhet në njoftim. Ekipi i Kërkim Shpëtimit i Shoqatës ndodhet në vendngjarje dhe po ndihmon hetimet e Autoriteteve të Policisë.
Amarisa ka flokë të shkurtër kafe, sy kafe, një metër të gjatë dhe peshë normale. Ajo kishte veshur një fund të bardhë dhe një bluzë rozë.
Esmaja ka flokë të bardha, sy kafe, gjatësi 1.60 dhe peshë normale. Ajo kishte veshur një shall të kuq, një fund të zi të gjatë, një bluzë rozë dhe një jelek gri.
Kushdo që ka ndonjë informacion është i lutur të kontaktojë me telefon “Buzëqeshja e Fëmijës” 24 orë në ditë, në “Linjën Evropiane për të Zhdukurit”, në të gjitha Drejtoritë e Policisë së vendit si dhe përmes aplikacionit Missing Alert ku ka informacione live për zhdukjen. /noa.al
Bashkohu me kanalin e NOA WhatsApp për lajmet më të fundit direkt në celularin tënd