![](https://noa.al/newsImages/2024/05/fhXMQ0qc-1.png)
Një burrë indonezian ka zbuluar se nusja e tij është në fakt një burrë, 12 ditë pas martesës së tyre. 26-vjeçari i njohur vetëm si AK ishte njohur me Adinda Kanza në “Instagram”, në vitin 2023.
AK dhe 26-vjeçarja u takuan personalisht vetëm një vit pasi u njohën nëpërmjet rrjetit social.
Gjatë takimeve të tyre, Adina mbante një shami që i mbulonte të gjithë fytyrën, të cilën AK thuhet se e mori si shenjë për përkushtimin e saj ndaj Islamit.
Më vonë ata vendosën që dashurinë e tyre t’a kurorëzonin në martesë. Adinda dëshironte një ceremoni të vogël në shtëpinë e AK pasi ajo thoshte se nuk kishte një familje.
Ndërkohë 12 ditë pas martesës, 26-vjeçari filloi të dyshonte për bashkëshorten e tij. Shkak u bë shmangia e intimitetit, pasi Adina i thoshte se ishte në periudhën e saj dhe nuk ndihej mirë.
“South China Morning Post” shkruan se AK ka treguar se 26-vjeçarja refuzonte që të hiqte shaminë edhe kur ishin në shtëpi. Për këtë arsye ai nisi kërkimet dhe pas 12 ditësh martesë, AK zbuloi se bashkëshortja e tij i kishte prindërit gjallë.
Këta të fundit i thanë dhëndrit të tyre se në fakt bashkëshortja e tij ishte një burrë, i identifikuar si E. SH. Ata gjithashtu thanë se nuk e dinin që djali i tyre ishte në një lidhje, aq më pak të martuar.
Aktualisht Adinda është arrestuar nga policia dhe ka deklaruar se është martuar me AK për t’i vjedhur pasurinë e familjes së tij. Ai po përballet me akuza për mashtrim që mund ta çojnë atë pas hekurave deri në katër vjet.
Policia ka zbuluar se atij i pëlqente të shtirej si grua ndërsa dilte me burra. Gjithashtu u zbulua se mashtruesi i dyshuar ishte lidhur më parë edhe me gra.
Bashkohu me kanalin e NOA WhatsApp për lajmet më të fundit direkt në celularin tënd