Transmetuar më 27-05-2024, 10:40
TIRANË- Një 28-vjeçar humbi jetën aksidentalisht të hënën teksa po punonte në një kantier ndërtimi në zonën e ish-Kinostudios në Tiranë.
Ai ra nga lartësia e një pallati shtatë katësh.
28-vjeçari kishte vetëm 20 minuta që kishte marrë turnin.
Në momentin e aksidentit fatal i riu po mbushte disa kova me llaç në lartësinë e objektit. Për këtë ngjarje është shoqëruar drejtuesi teknik i punimeve.
Nga një vëzhgim në terren, gazetari Leka thekson se pallati ku ndodhi ngjarja nuk është i rrethuar sipas kushteve teknike.
Bashkohu me kanalin e NOA WhatsApp për lajmet më të fundit direkt në celularin tënd