Kur vendosni t’i nënshtroheni një operacioni, e lini fatin e jetës tuaj tërësisht në duart e mjekëve kirurgë dhe anestezistë dhe sigurisht shpresoni që gjithçka të shkojë mirë.

Ky për fat të keq nuk ishte rasti për Tom Hadrys, i cili kur hapi sytë pas operacionit, gjëja e parë që dëgjoi nga mjekun i tij ishte: "Më vjen shumë keq, ne bëmë një gabim të tmerrshëm!".

Hadrys i përshkroi momentet e tmerrshme duke folur për BBC dhe i përshkroi ato si diçka që "nuk duhet të kishte ndodhur kurrë", citon noa.al.

Ai i ishte nënshtruar një operacioni në Spitalin Royal Sussex County në Brighton, MB, kur kirurgu i tij, duke u kthyer në shtëpi në fund të turnit të tij, kuptoi se ishte bërë një gabim.

Ai e kuptoi gabimin e tij në fund të turnit dhe u kthye për ta korrigjuar.

Rezultoi se në zgavrën e barkut të Hadrys kishte mbetur një çantë e mostrës mjekësore, si dhe një pjesë e zorrëve që i ishin hequr.

"Ai e ktheu makinën e tij dhe u rikthye në spital," shpjegoi Hadrys.

Pasi e informoi për gabimin, e vendosi sërish në shtratin e operacionit. Çanta ‘Bert’ (e përdorur për vendosjen e pjesëve të trupit të hedhura) dhe një pjesë e zorrëve të tij u hoqën me sukses.

Sigurisht që ngjarja çoi në një hetim të rëndë të incidentit dhe Hadrys, përveç ndjesës që mori, mori edhe një dëmshpërblim modest prej 15,000 paund.

Megjithatë, kirurgu vazhdoi të operonte dhe ende punon në spital.

"Nuk ka dyshim që po vuaj"

Profesoresha Katie Urch, Shef Mjekësor në Spitalet Universitare Sussex NHS Foundation Trust, i tha BBC-së: “Stafi ynë kirurgjik është i përkushtuar për të ofruar kujdesin më të mirë dhe më të sigurt për pacientët tanë, shpesh në situata të vështira.

Kirurgët nuk punojnë si individë, por punojnë së bashku në ekip. Këto ekipe janë shumë të specializuara, duke kryer operacione komplekse që nuk janë kurrë pa ndonjë rrezik.

Rezultatet e tyre monitorohen vazhdimisht dhe nga afër – si nga brenda ashtu edhe nga jashtë – dhe sa herë që kujdesi ynë nuk përmbush standardet tona të larta, marrim masa të menjëhershme për t’u përmirësuar."

Rreth tetë vjet pas operacionit të hernies, Hadrys tha se ka efekte negative të vazhdueshme në shëndetin e tij.

“Nuk ka dyshim që po vuaj”, shtoi ai. “Më ka ndikuar. Unë kam një stomak të dobët tani, nuk mund të ngre asgjë të rëndë.’ /noa.al