Kryeministri polak Donald Tusk ka thënë se në ditët në vijim ai dhe liderë të tjerë të BE-së do të prezantojnë planet për një rrjet të mbrojtjes raketore të ngjashme me “perden e hekurt” të Izraelit.

Megjithatë, liderët e opozitës në Varshavë pohojnë se nga një sistem i tillë do të përfitonte kryesisht industria gjermane e armëve.

Banka Evropiane e Investimeve (EIB) njoftoi të hënën se do t’i japë Polonisë 300 milionë euro për krijimin e një sistemi satelitor zbulues, i cili përfundimisht mund të integrohet në një rrjet të mbrojtjes raketore në mbarë BE-në.

“Krijimi i një kupole hekuri kundër raketave dhe dronëve është i nevojshëm. Sulmi i fundit ndaj Izraelit tregoi se sa thelbësore janë sisteme të tilla. Nuk ka asnjë arsye që Evropa të mos ketë mburojën e saj të mbrojtjes raketore. Sistemet satelitore dhe të zbulimit do të jenë një pjesë thelbësore e këtij projekti, të cilin do ta prezantoj së bashku me kryeministra të tjerë europianë brenda pak ditësh, ideja e mbrojtjes ajrore pan-evropiane do të bëhet më e vogël dhe më pak një ëndërr dhe gjithnjë e më shumë një plan real e praktik.”-, tha Tusk në një konferencë shtypi me presidenten e EIB Nadia Calvino në Varshavë.