Luciano Moggi, ish-menaxheri i Napolit dhe Juventusit ndër të tjera, foli në "Radio Crc" gjatë emisionit “Si Gonfia la Rete”: “De Laurentiis ka të drejtë. Nëse një klub futbolli do të donte të bënte gjithçka që shkruhet nga janari në korrik, do të blinte 500 lojtarë dhe do të ndryshonte 30 trajnerë.

Nëse ndjek një lojtar, ke mundësinë ta kontraktosh dhe ndonjë gazetar shkruan për këtë, 3 klube të tjera arrijnë tek ai dhe vlera rritet. Gjithmonë jam përpjekur të mashtroj për të shmangur ‘ankandet’ e tilla, herë ia kam dalë, herë të tjera jo. De Laurentiis po kalon një moment delikat, që nuk e kishte parashikuar. Për momentin ka një ‘regjisor’ mjaft të ri, nëse është e vërtetë që e ka punësuar, ndaj duhet të bëjë gjithçka i vetëm.

Mund të jenë dy kandidatë për stolin e Napolit: Conte dhe Italiano. Kam lexuar edhe për Piolin, se edhe ai mund të shkojë atje, ngaqë është një trajner i madh, por ka dalë tani në skenë, sepse Milani do të ndryshojë njeriun e stolit. Conte mund të jetë më afër Napolit, ndjenjat e mia kur flas me njerëzit afër tij janë këto.

Juventusi duhet ta ketë mbyllur me Thiago Motta, Milani po kërkon trajner jashtë vendit, kështu që Napoli mbetet si mundësi për Conte. Klubi napolitan e ka ndjekur këtë rrugë prej kohësh, ndaj De Laurentiis mund të zemërojë shumë njerëz, por di të punojë.

Mendoj se ai ka diçka të rëndësishme në mendje për Napolin. Këtë vit ka bërë gjithçka gabim, kam përshtypjen se ka marrë frymëzim nga disa gabime që ka bërë për të folur më pak dhe për t’u thelluar në disa gjëra. Më pëlqen De Laurentiis si sipërmarrës, sepse i mban buxhetet e tij në rregull, por duhet të inkurajohet të bëjë mirë dhe në aspektin futbollistik".