Joe Biden: Vendosa një seri tarifash mbi mallra të prodhuara në Kinë: 25% mbi çelikun dhe aluminin, 50% mbi pjesët e brendshme, 100% mbi makinat elektrike (EV) dhe 50% mbi panelet diellore. Kina është e vendosur të dominojë këto industri. Unë jam i vendosur të siguroj që Amerika udhëheq botën në to

Analizë nga Hanna Ziady, CNN / përktheu noa.al

Presidenti i SHBA Joe Biden ka katërfishuar tarifat për automjetet elektrike nga Kina në 100%, duke mbyllur në mënyrë efektive një nga tregjet më të mëdha në botë të makinave të pasagjerëve për prodhuesin më të madh global të EV.

“Jam i vendosur që e ardhmja e automjeteve elektrike do të bëhet në Amerikë nga punëtorët e sindikatave”, tha Biden të martën. Por fusha e vërtetë e betejës mbi automjetet elektrike mund të shtrihet shumë përtej brigjeve të SHBA – në Evropë.

Shtetet e Bashkuara aktualisht blejnë shumë pak automjete elektrike nga Kina. Është një çështje shumë e ndryshme në Evropë – pasi atje është tregu më i madh i eksportit për prodhuesit kinezë të EV.

Joseph Webster, një bashkëpunëtor i lartë në Këshillin e Atlantikut, tha se tarifat e fundit të SHBA-së për automjetet elektrike dhe mallrat e tjera nga Kina, duke përfshirë gjysmëpërçuesit dhe bateritë, mund të shtrëngojnë dhe Brukselin të marrë masa pasi tarifat më të larta të SHBA mund të devijojnë pjesën më të madhe të tregtisë në Evropë.

“Brukseli do të duhet të veprojë shpejt, ose për të vendosur tarifat e veta ose për të pranuar një vërshim të produkteve të prodhuara nga Kina,” shtoi ai.

Agatha Kratz, drejtoreshë në ofruesin e kërkimit Rhodium Group, tha se rritja e tarifave të SHBA për automjetet kineze EV e bën "më të lehtë" për BE-në t’i çojë tarifat e saj "deri në 30%," dmth për të trefishuar nivelin e tyre aktual.

Por do të ishte “shumë e vështirë” për Brukselin që të përputhej me tarifat e SHBA-së, tha ajo për CNN.

“Kjo do të thotë se BE-së do t’i duhet të eksplorojë mjete të tjera dhe instrumente mbrojtëse për të provuar dhe frenuar fluksin e automjeteve elektrike të prodhuara nga Kina që vijnë në Evropë,” shtoi ajo.

Tarifat e BE-së mund të dështojnë

Sipas Citi, BE-ja përbënte 36% të eksporteve kineze të automjeteve elektrike vitin e kaluar, më shumë se pesë tregjet e ardhshme më të mëdha së bashku. Në të kundërt, Shtetet e Bashkuara aktualisht marrin vetëm 1.1% të eksporteve të Kinës për EV. Kjo arrin në më pak se 365 milionë dollarë, sipas Capital Economics.

Markat kineze gëzojnë kosto shumë më të ulëta prodhimi sesa rivalët e tyre evropianë. BYD, është prodhuesi më i madh kinez i EV.

Por ndërsa ka përpjekje për të rritur tarifat për makinat elektrike që vijnë nga Kina, ka njëkohësisht edhe shqetësim se këto dëmtojnë përfundimisht prodhuesit evropianë të automobilave, shumë prej të cilëve prodhojnë makina në Kinë që më pas i shesin në Evropë.

Në një bisedë me gazetarët javën e kaluar, CEO i BMW, Oliver Zipse, paralajmëroi Evropën që të bëjë kujdes.

"Ne nuk mendojmë se industria jonë ka nevojë për mbrojtje," u tha analistëve, duke shtuar se operimi në baza globale është një avantazh. “Ju mund ta rrezikoni atë avantazh duke futur tarifa importi".

BE-ja gjithashtu do të dëshirojë të shmangë provokimin e hakmarrjes nga Pekini, gjë që mund të vështirësojë jetën për prodhuesit evropianë të makinave që shesin në Kinë.

"Situata e BE-së është shumë e ndryshme nga ajo e SHBA-së… pasi prodhuesit gjermanë të automjeteve mbështeten kaq shumë në tregun kinez për shitje (dhe) fitime të konsiderueshme," tha Tu Le, drejtor menaxhues në Sino Auto Insights, një firmë konsulence. "Kjo i bën shumë të ulëta shanset që (BE) të bëjë diçka të rëndë."

Lufta tregtare po fillon?

Si një partner tregtar, Kina është më e rëndësishme për BE-në sesa për Shtetet e Bashkuara. Në mënyrë thelbësore, ajo përfaqëson një treg shumë më të madh për eksportet e mallrave të BE-së. Megjithatë, Brukseli po merr një qëndrim më mbrojtës ndaj tregtisë.

Përveç hetimit për automjetet elektrike kineze, BE-ja po heton pretendimin për hedhjen e produkteve industriale nga Kina ose mbështetjen e padrejtë të shtetit për prodhuesit kinezë të turbinave me erë.

Udhëheqësit nga grupi i shtatë ekonomive të zhvilluara do të diskutojnë se si të mbrojnë industritë e tyre nga konkurrenca kineze në një samit në Itali muajin e ardhshëm.

"Javët e ardhshme do të jenë të rëndësishme," tha Josh Lipsky, drejtor i lartë në Këshillin Atlantik. "Nëse Evropa dhe vendet e G7 përputhen ose pasqyrojnë politikat e SHBA-së…," shkroi ai të martën.

“Nga ana tjetër, nëse Evropa mbron (bastet e saj), duke dalë nga rishikimi i saj anti-dumping, ajo mund të afirmojë pikëpamjen e Kinës se sfida e tyre është kryesisht me Shtetet e Bashkuara, jo me pjesën tjetër të ekonomive të përparuara.”

Në foto: Makinat elektrike BYD që presin të ngarkohen në një anije për eksport në një port në Yantai në provincën Shandong të Kinës lindore në prill 2024. STR/AFP/Getty Images