Tre të rinj të moshës 19 deri në 21 vjeç u zbuluan të pajetë në Caumont-sur-Durance, pranë Avignon (Vaucluse), natën duke gdhirë e diela, raporton noa.al duke cituar Le Parisien.

Viktimat, nga L’Isle-sur-la-Sorgue, u gjetën në një makinë të zhytur në një ujëmbledhës.

Familjet e të rinjve, të shqetësuara që fëmijët e tyre nuk po ktheheshin, njoftuan policinë.

Kërkimet u mbyllën shpejt në sajë të itinerarit që zbulonte llogaria në rrjetin social Snapchat që i përkiste një prej viktimave.

Hetimi nxori se drejtuesi i makinës ka humbur kontrollin e mjetit, gjë që ka bërë që ai të bjerë në këtë pellg bujqësor. Tre të rinjtë nuk kanë mundur të dalin nga kabina dhe mesa duket kanë vdekur nga mbytja. /noa.al