Real Madridi ëndërron me të drejtë Champions-in e 15-të në historinë e vet. Asnjë bestytni, "Los Blancos" e besojnë këtë, madje e thonë hapur. Tani, pengesa e fundit quhet Borussia Dortmund.

Një emocion i veçantë sidomos për Rudiger, në finalen e tij të parë të Champions League që kur iu bashkua Real Madridit, e dyta në karrierë, pas asaj që fitoi me Chelsea më 2021. Në fakt, festimet e tij pas triumfit dramatik ndaj Bayern Munich, të mërkurën, ishin unike…

Nga festimi me tifozët, që pushtuan fushën në bilbilin e fundit, te karrigia e ngritur si filxhan dhe karuselet në makinë me tifozët, Rudiger me të vërtetë u lëshua pas fitores ndaj Bayern Munich në gjysmëfinale.

Nuk la mënjanë edhe një puthje për VAR, para se të hynte në dhomat e zhveshjes. Videoja u bë "virale" në rrjetet sociale. Goli i Joselu 2-1, i asistuar nga Rudiger, u vërtetua si i rregullt falë VAR-it, pa të cilin Bayern Munich me shumë gjasa do të ishte në finale në vend të spanjollëve.

Një kontroll providence për Realin dhe për qendërmbrojtësin e Ancelottit, i cili kështu ishte në gjendje të çlironte gjithë euforinë e tij, duke puthur ekranin e VAR-it.