Erion Veliaj ka publikuar një video nga protesta e sotme jashtë Bashkisë, organizuar nga Rithemelim, ku shihet një prej efektivëve që largon me këmbë një molotov.

Molotovi u hodh në drejtim të efektivëve, ndërsa njëri prej tyre e ka shtyrë më këmbë, duke shpërthyer më pas pak metra larg tyre.

“Asllan Shyti shmangu djegien e kolegëve e të vetes! As e njoh, as më njeh. Shkoi në punë me kolegët e policisë jashtë, si kolegët e bashkisë brenda! Nuk ka problem të protestosh dhe kur je pinjoll i Saliut e Fahriut që e dogjën këtë vend! E drejta jote! Por ka shumë problem kur kërkon të vazhdosh të djegësh për të kompensuar votat e protestuesit që s’të mbështesin. Në Bashki punojnë njerëz që nga koha e Kelmendit e Brojkës.

Policët gjithashtu kanë qenë e do jenë të shtetit. Skenat e ’97 nuk kanë vend në Tiranën e 2024-ës! Asllanin e shokët i ruajti Zoti me atë reagim! Mirënjohje të gjithëve!”, shkruan Veliaj.

Asllan Shyti shmangu djegien e kolegeve e te vetes! As e njoh, as me njeh. Shkoi ne pune me koleget e policise jashte, si koleget e bashkise brenda!

Nuk ka problem te protestosh dhe kur je pinjoll i Saliut e Fahriut qe e dogjen kete vend! E drejta jote! ✌️

Por ka shume problem… https://t.co/Vy52EeAE67 pic.twitter.com/nlsNRq6bAR

— Erion Veliaj #B40Presidency 🇪🇺🇦🇱 (@erionveliaj) April 11, 2024