Të gjithë të bashkuar kundër racizmit, përtej betejës në fushë, rezultatit, dueleve teknike, rivaliteteve sportive. Megjithatë, dje PSG dhe Barcelona dërguan gjithashtu një sinjal të fortë solidariteti për 16-vjeçarin Lamine Yamal, “viktimë” e një komenti degradues para ndeshjes në “Parce des Princes” nga gjermani Burgos, ish-zëvendësi i Diego Simeones, tashmë komentator sportiv televiziv.

Lojtarët e dyja klubeve vendosën ta bojkotonin rrjetin televiziv ku ai punon, pas ndeshjes. Pra, nuk dhanë asnjë intervistë për “Movistar”. Megjithatë, është turp që në tribuna, tifozët katalanas u bënë protagonistë të përshëndetjeve naziste dhe gjesteve raciste.

Pas ndeshjes së luajtur në “Parc des Princes”, rrjeti “Movistar” nuk ishte në gjendje të intervistonte asnjë lojtar. Një zgjedhje e fortë nga dy klubet, që donin të protestonin me kaq forcë kundër komentit të Burgos.

Ish-asistenti i Simeones i komentoi kështu lëvizjet dhe driblimet e Yamal gjatë nxemjes, para ndeshjes: “Kujdes, futbolli është si jeta. Nëse nuk bën mirë, rrezikon ta gjejë veten në semafor”. Një batutë diskriminuese, që shkaktoi pak qeshje në studio, por nuk u pëlqye nga Barcelona, e cila vendosi t’i bojkotojë intervistat për këtë kanal televiziv.

Gjë që u mbështet edhe nga PSG për solidaritet. As kërkim-falja e Burgos nuk ishte e dobishme: “Nuk doja të lëndoja askënd. Në fakt, do të kisha dashur t’i kisha vetë cilësitë e Yamal. Nuk kisha asnjë qëllim të keq, por këto kohë duhet të jemi shumë të kujdesshëm me ato që themi, që të mos keqkuptohemi.”

Përballë polemikave që shpërthyen në Spanjë, por edhe në nivel ndërkombëtar, Burgos përsëriti kërkim-faljen e tij në rrjetet sociale, duke kujtuar se i admironte veçanërisht lojtarët e rinj të Barcelonës: "Nuk ishte qëllimi im të denigroja Yamal, përkundrazi".