Provojeni sot, ose kur të dëshironi apo të mundeni

Një tas i ngrohtë supë me lakër dhe pak makarona. Është një vakt i ushqyeshëm dhe i shëndetshëm për të gjithë.

Perimet jeshile me gjethe, të tilla si lakra jeshile janë të pasura me klorofil dhe një sheqer natyral, i cili mund të ndihmojë në ruajtjen e një zorre të shëndetshme.

Ky vakt ka 384 kalori ose rreth 20 për qind e sasisë prej 2 mijë kalori që sugjerohen për një person në ditë, raporton noa.al që ju sjell më poshtë recetën e plotë që gatuhet për 30 minuta.

Përbërësit

2 lugë vaj ulliri

3 qepë (320 g), të grira hollë

3 thelpinj hudhre, të grira imët

125 g selino, të copëtuar

2 speca të verdhë, të prerë në kubikë

2 speca të tymosur

400 gr domate të grira

2 lugë gjelle rigon të thatë

1 litër lëng perimesh të nxehtë, i bërë me ose në pamundësi, me 3 lugë gjelle pluhur bulioni. Për të përftuar lëngun e perimeve zieni në zjarr të avashtë disa lloj perimesh si presh, selino, karotë, qepë dhe erëza.

150 g pene integrale

200 gr bishtaja të prera në copa

200 gr cavolo nero (lakër jeshile), e grirë hollë

160 g domate qershi

30 g borzilok i grirë

80 gr djathë i fortë vegjetarian i stilit italian, i grirë imët

HAPI 1

Ngrohni vajin në një tigan të madh në zjarr mesatar dhe skuqni qepët e hudhrat për 5 minuta, më pas shtoni selinon dhe specat.

Skuqini për 5 minuta të tjera, duke shtuar specat e tymosur në minutën e fundit. Përzieni domatet dhe rigonin ndërsa keni shtuar lëngun e perimeve. Lëreni të vlojë.

HAPI 2

Hidhni penet integrale, bishtajat dhe lakrën jeshile të ziejnë dhe ziejini në zjarr mesatar për 10 minuta.

Përzieni domatet qershi dhe borzilokun dhe gatuajeni edhe për disa minuta derisa domatet të kenë plasur.

HAPI 3

Për ta shërbyer, hidhni me lugë dy pjesë të supës në enë të cekëta dhe spërkatni gjysmën e djathit. Mbajeni pjesën tjetër për një ditë tjetër. Mbahet i ftohtë në një enë hermetike deri në katër ditë ose i ngrirë deri në tre muaj. Ngroheni përsëri në një tigan mbi nxehtësinë e ulët deri sa të nxehet, më pas shërbejeni me djathin e mbetur.

Këshillë për recetë

Lakra jeshile është një burim i mirë i kalciumit me bazë bimore, dhe i kombinuar me sasi të konsiderueshme të vitaminës K dhe bën mirë edhe për kockat. /noa.al