Mes Wanda Nara dhe Mauro Icardit, dashuria është më e fortë se kurrë, por, si të gjitha çiftet, edhe ata kanë zënka dhe debate. "Përplasja ime e madhe me Mauron është sepse punoj shumë, – shpjegoi agjentja në programin meksikan "Olga".

– Ndonjëherë më sheh të zgjohem herët dhe më thotë se nuk jam pa bukë… Ai nuk më dekurajon, por bën komente të tilla që më bezdisin. Nëse grindem për diçka, është për shkak të kësaj qasjeje".

Për Wanda Narën, gratë e futbollistëve duhet të punojnë: "Edhe nëse jetoni me super futbollistë, çfarë do të bëni nëse nuk keni punuar kurrë, nuk keni bërë asgjë tjetër, nuk keni dalë kurrë nga shtëpia?

Gratë duhet të punojnë, duhet të bëjnë diçka. Nuk them se duhet të jesh e famshme, por të plotësohesh si femër. Gruaja e një futbollisti duhet të plotësohet si femër dhe të mos varet prej tij. Nëse ajo dëshiron të qëndrojë, është mirë, por nuk duhet të qëndrojë sepse nuk ka zgjidhje tjetër".

Më pas ajo shtoi: “Nëse vajza ime Françeska do të vinte sot dhe do të më thoshte se kam rënë në dashuri me një lojtar të mirë, se do të jetoj në Hungari a diku tjetër, do të vdisja si nënë. Kaq shumë shkollë, kaq shumë edukim për çfarë i ke bërë, që të përfundosh duke qëndruar mbyllur në shtëpi dhe pritur një fëmijë për ta ushqyer.

Si grua e një futbollisti, që nuk di të bësh asgjë tjetër, do të thotë ta presësh burrin gjithë ditën. Do të shtysh ditët në një qytet ku e vetmja gjë që mund të bësh është të shkosh në një sallon bukurie, në një qendër tregtare. Kjo është shumë e trishtueshme".