![](/assets/images/noa-white-logo.png)
![](https://noa.al/newsImages/2023/11/Inzaghi-1.png)
Simone Inzaghi shijon fitoren “kumbuese” ndaj Lecce, por i mban këmbët fort në tokë: "Duhet të qëndrojmë të fokusuar edhe kur flemë. Kemi pasur 6 mungesa titullarësh në këtë transfertë, por nuk duam t’i lëmë pas dore edhe të tjerët. Kemi lojtarë të rëndësishëm në stol".
Për Lautaro Martinez: "Ai po bën një udhëtim të jashtëzakonshëm, si Immobile me mua te Lazio. Rekordi i golave në Serie A? Koha do ta tregojë, ai duhet të vazhdojë në këtë mënyrë. Ka shumë ndeshje, sonte isha në dyshim nëse do të filloja me të ose me Arnautovic. Pastaj, pas ndeshjes kundër Atletico Madrid, Arnautovic pati disa probleme me temperaturë dhe vendosa të startoja me Lautaron".
Inzaghi, pavarësisht diferencës së madhe me pikë ndaj ndjekësve më të afërt, nuk është i qetë sa i përket titullit: "Jo, sepse ne e dimë se kanë mbetur edhe 3 muaj, shumë ndeshje. Gjithmonë duhet të përpiqemi të përmirësohemi. Ishte një udhëtim 72 orë pas Champions League, që mori shumë energji".
Interi i tij është afër perfeksionit, por sipas Inzaghit ende mund të përmirësohet: "Absolutisht që po, sepse mungojnë muajt më të rëndësishëm. Është e drejtë të jemi të kënaqur me udhëtimin e bukur, por nuk duhet të shikojmë shifrat. Përpara kemi Atalantën, është e vështirë, sepse ka ende shumë ndeshje. Kemi nevojë për të gjithë lojtarët, sikurse ndodhi këtë mbrëmje”.
Nëse sulmuesit rezervë i dhanë përgjigjet e duhura: "Po, por nuk më duheshin këto dy ndeshje për këto përgjigje. Sanchez bëri një lojë të jashtëzakonshme, ishte shumë i mirë, dëshmoi se është kampion".
Gjendja e Calhanoglu është shqetësuese. Këtë e ka përsëritur Inzaghi në konferencën për media: "Calhanoglu kishte dhimbje në seancën e fundit stërvitore, situata nuk u përmirësua, ndaj nuk e rrezikuam. Të hënën do të bëjë një kontroll mjekësor, le të shpresojmë të mos e humbasim për shumë kohë".
Bashkohu me kanalin e NOA WhatsApp për lajmet më të fundit direkt në celularin tënd
![](/assets/images/shenim-news.jpeg)