Aktori i famshëm i Hollywood-it, Tom Cruise, është ndarë nga partnerja e tij socialiste ruse, Elsina Khayrova, vetëm disa ditë pasi takoi fëmijët e saj.

61-vjeçari dhe 36-vjeçarja, e cila është ish-bashkëshortja e oligarkut Dimitry Tsvetkov, besohet se janë takuar për herë të parë dhjetorin e kaluar gjatë një feste në Mayfair, ku u panë duke kërcyer.

Por tani raportet kanë dalë se rrugët e tyre janë ndarë. Thuhet se aktori i “Top Gun” u shkëput nga kjo marrëdhënie, por donte të qëndronin miq sepse ata jetojnë në të njëjtin bllok apartamentesh në Londër.

“Të përfundosh gjërat me një notë të keqe do të ishte e vështirë nëse do të përplaseshin me njëri-tjetrin në ashensor”, tha një burim për “The Sun”, duke shtuar:

“Nuk ka ndjenja dashakeqe mes tyre dhe për Tomin, marrëdhënia e tyre thjesht shkoi në rrjedhën e saj”.

Ndërkohë kujtojmë se Elsina ka një djalë dhe një vajzë nga martesa e saj e mëparshme me oligarkun rus dhe tregtarin e diamanteve, Dimitry Tsvetkov.

Elsina është vajza e Rinat Khayrova, një politikan kryesor rus që ka një pasuri rreth 5 miliardë paund dhe është një aleat i ngushtë i Presidentit Putin.

Ndarja e tyre vjen pasi javën e kaluar u raportua se Tom po afrohej më shumë me Elsinën dhe kishte kaluar rregullisht netët në apartamentin e saj të mrekullueshëm në Londër, thanë miqtë për MailOnline.

Dyshja morën pjesë së fundmi në një darkë gala vezulluese në mbështetje të Bamirësisë së Ambulancës Ajrore të Londrës në hotelin me pesë yje Raffles, ku Princi William ishte mysafir nderi.

Dyshja mbërritën në ngjarjen e shkëlqyer veç e veç, por miqtë e asaj kohe thanë se ata kishin kaluar gjithnjë e më shumë kohë së bashku, ku aktori hollivudian ka qenë një vizitor i rregullt në apartamentin e saj luksoz prej 10 milionë paund në Knightsbridge.

Një burim i tha “MailOnline” se dyshja i kishte zyrtarizuar gjërat, duke shpjeguar:

“Është e njohur në rrethin e Elsinës që ajo dhe Tom tani janë çift. Ata janë afruar shumë gjatë javëve të fundit, por bëjnë shumë kujdes që të mos fotografohen së bashku sepse duan të ruajnë privatësinë e tyre. Tomi ka qëndruar natën në apartamentin e Elsinës, i cili siç mund ta imagjinoni është një vend shumë i bukur. Ata kënaqen së bashku dhe pavarësisht nga pasuria e tyre, bëjnë shumë gjëra që bëjnë çiftet normale”.

Burimi zbuloi se çifti gjithashtu kishte darkuar privatisht në një numër restorantesh ekskluzive në Londër dhe gjithashtu kishin shijuar shëtitjet së bashku të maskuar nëpër Hyde Park , i cili është afër shtëpisë së Elsinës.