Lexoni horoskopin e ditës nga Paolo Fox për të zbuluar se çfarë kanë rezervuar yjet për ju: parashikimet astrologjike të ditës së sotme, e martë 20 shkurt 2024 për secilën shenjë të zodiakut zbardhur nga transmetimi i përditshëm radiofonik i astrologut të njohur italian. Gjithçka për dashurinë, punën, mirëqenien dhe fatin, përkthyer nga noa.al 

Dashi

Tre javët e fundit kanë qenë plot emocione të veçanta, shkurti filloi me ankth, dukej sikur duhet të përballeshit me një sprovë, një provim të rëndësishëm. Shumica jo vetëm që ia dolën, por mund të kenë korrur edhe një fitore të madhe. Kjo është arsyeja pse kjo pjesë e fundit e shkurtit lind me yje të favorshëm, ju lejon të rikuperoni energjinë fizike; ju po kompensoni kohën e humbur, bllokimi në fillim të muajit dhe ndjenja e bezdisjes me të cilën duhej të përballeshit thuajse kanë mbaruar. Mund të them se vështirësitë, në vend që t’ju thyejnë, në fund të fundit ju forcojnë, urime!

Demi

Po ktheheni në rrugën e duhur, por dëshira për të vënë në lojë të gjitha cilësitë tuaja po rritet e ndër to është kokëfortësia, karakteristikë që ju dallon kur doni të zgjidhni një problem. Nëse disa njerëz janë larguar, vazhdoni rrugën tuaj. Deri më sot keni pasur një qëndrim mirëkuptues dhe kur ka pasur nga ata që kanë mundur të sjellin momente të mira dhe të këqija në jetën tuaj; tani do të thoni mjaft për çdo lloj imponimi. Ju gjithashtu keni nevojë për qetësi shpirtërore! Yjet kërkojnë vetëm durim në çështjet e punës ku, për shkak të disa planetëve disonantë, nga sot do të jetë e nevojshme të konsultoheni me një ekspert për të zgjidhur një problem; Ju shoh më agresivë se në fillim të shkurtit dhe gjithashtu më të vendosur, deri në atë pikë sa nuk do të mungojnë përballje mjaft të ngushta në dy javët e ardhshme.

Binjakët

Me Venusin edhe një herë në favor, fokusi është në dashuri, sepse edhe Marsi është në aspekt të shkëlqyer. Ky qiell sinjalizon lajme për zemrat e vetmuara dhe për të gjithë ata që kanë pasur probleme në të kaluarën. Nëse një person është larguar, në vend që të dëshironi kthimin e tij, tani do të filloni të mendoni se sa bukur është të hapni horizontet tuaja ndaj përvojave të reja; Është një qiell çlirimi në fund të shkurtit! Rrethi i njohjeve zgjerohet dhe emocionet e dikujt krahasohen me ato të të tjerëve. Kjo për ju mund të jetë veçse e dobishme. Ata që janë në krizë duhet t’i përkushtohen zgjidhjes së një problemi dashurie, është e drejtë të presësh – nëse një person nuk ka qenë besnik – derisa të arrihet një zgjedhje përfundimtare. Ditë e dobishme për të paraqitur një projekt që ju intereson veçanërisht, edhe në funksion të një ndryshimi të vlefshëm nga qershori.

Gaforrja

Për shenjën e Gaforres, fillon faza e rikuperimit për të cilën kam folur pas një fillimi të vështirë të shkurtit; ka më shumë energji në këtë sezon që rezulton shumë intriguese nga pikëpamja emocionale. Kundërshtimi global që ngadalësoi disa rezultate në fillim të shkurtit ka përfunduar pothuajse plotësisht, ndaj edhe marrëdhëniet profesionale do të jenë më të lehta për t’u menaxhuar. Për më tepër, me Demin, Virgjëreshën, Akrepin dhe Peshqit mund të lindin emocione shumë të veçanta; ju e dini që jeni një person që jeton nën emocione, por edhe me intuitë dhe kjo Hënë në shenjën tuaj, sot mund të sjellë një ide shumë interesante.

Luani

Jo vetëm që je i disponueshëm për të dashuruar, por gjithashtu je gati të provosh qëndrueshmërinë e ndjenjave! Si brenda, ashtu edhe jashtë, nuk mund të përmbani situata që nuk funksionojnë. Tranziti i ri i Venusit në opozitë favorizon një qëndrim të vendosur dhe të vrullshëm që do t’ju vërë përballë njerëzve që përpiqen të bllokojnë shkuarjen tuan përpara. Për tre javët e ardhshme do të keni planetë në kundërshtim dhe kjo është arsyeja pse edhe në nivel pune do të dëshironi të përpiqeni të kuptoni se çfarë të bëni në të ardhmen, madje në disa raste duke ndryshuar vendin apo rolin e punës. Çdo fund në këtë aspekt do të sjellë një hapje të re me kalimin e kohës dhe ne nuk duhet të kemi frikë nga ndryshimi. Fundja, disa marrëdhënie kanë arritur një pikë pa kthim.

Virgjëresha

Pjesa më e rëndësishme, ajo që ju forcoi dhe lejonte krahasime fituese, u zhvillua në fillim të muajit. Tashmë gjithçka rrjedh më paqësisht, por nuk mund të thuhet se gjërat po shkojnë keq. Mund të merrni edhe një konfirmim shtesë, duke bërë diçka që nuk e keni bërë kurrë më parë. Ka edhe nga ata që kanë shënuar fitime më të larta duke punuar me komision. Në përgjithësi për ju mbeten yje interesantë dhe me kalimin e kohës do të zhvilloni dëshirën për të jetuar një eksperiencë të madhe dhe të re që do të jetë e dobishme në të ardhmen; dikush mund të propozojë edhe ndryshimin e ekipit të punës, por është mirë që gjërat t’i bëni me qetësi dhe të shmangni zgjedhjet e nxituara. Në çdo rast deri në maj nuk përjashtoj zgjedhje vendimtare për jetën tuaj.

Peshorja

Ju jeni padyshim më aktivë se më parë. Nga ana tjetër, shkurti filloi në mënyrë të gabuar dhe vetëm tani mund të tentohet një rikuperim, disa çështje do të kthehen në fokus. Kjo vlen edhe për çështjet e dashurisë që janë prekur nga keqkuptime të forta. Afërdita ndryshon pozicionimin e shenjave, por edhe ju ndryshoni qëndrimin tuaj ndaj njerëzve që ju rrethojnë. Nga sot e tutje do të bëni siç thoni ju dhe kushdo që nuk është në përputhje me mendimet tuaja, me mënyrën tuaj të të bërit të gjërave, do të mund të ndjekë një rrugë të ndryshme nga e juaja. Le t’i shikojmë gjërat pozitivisht, ata që kanë përjetuar një problem serioz në marrëdhënie do të jenë në gjendje të kuptojnë se si të menaxhojnë situata të tilla të ardhmen. Kjo ditë sjell vetëm pak stres në nivelin fizik, ka shumë gjëra për të bërë dhe kohë për t’i përfunduar ato, por kjo kohë duket e shkurtër, e pamjaftueshme.

Akrepi

Një situatë me shumë interes jo vetëm sepse që nga dje Dielli është bërë sërish i favorshëm por edhe sepse Hëna është sërish aktive! Ndjenjat janë në një pikë kthese, me Venusin në një aspekt kuadratik ka të ngjarë që të mos dëshironi të dëgjoni më ankesat e një personi që nuk ndryshon qëndrimin e tij, dëshira për të testuar ata që nuk ju bindin të kthehen. Mund të bëheni edhe tejet argumentues; sot yjet ju ftojnë të përjetoni emocione të këndshme, duke u përpjekur të hiqni dorë nga çdo lloj tensioni që mund të shkaktojë nervozizëm. Ka një problem të vogël shtëpie ose familjare për të zgjidhur.

Shigjetari

Lërini mënjanë shqetësimet dhe njerëzit që janë gjithmonë kundër projekteve tuaja, shmangni dhe mjedise që sjellin ndjesi të pakëndshme, hiqni nga fokusi dhe histori që lindin në mënyrë të paqartë; ka një dëshirë të madhe për qartësi tani, komplikimet nuk janë për ju veçanërisht tani që Merkuri dhe Venusi janë në aspekt të mirë së bashku me Marsin. Pra, ka mundësi që të kthehet edhe një shtysë e madhe, dëshira për të jetuar pasione të rëndësishme dhe nuk do të habitesha nëse disa beqarë të shenjës do të fillonin të jenë më pranues. Ndërsa rikthehet dëshira për të dashuruar, çiftet në lidhje afatgjata thjesht duhet të jenë të kujdesshëm për ta mbajtur gjithmonë gjallë lidhjen, përndryshe rreziku i tradhtisë do të jetë më i mundshëm.

Bricjapi

Nuk kënaqesh me pak, ke lindur për të bërë gjëra të mëdha, jo rastësisht mbetesh arkitekti i suksesit tënd dhe kufiri i vetëm është lodhja fizike. Herë pas here përpiquni të ndaloni për të marrë frymë. Tani gjithçka është kthyer në lojë, jeta kthehet në një lloj lufte të pandërprerë për të marrë atë që dëshironi, sa më tej të shkojmë aq më të mëdha do të jenë konfirmimet. Dashuria mund të bëhet sërish protagoniste. Ka nga ata që do të zhvillojnë një ide të re, dhe kështu do të jenë në gjendje të shpalosin plotësisht aftësitë e tyre. Sot ju rekomandoj të mos e teproni, më mirë të mos qëndroni deri vonë.

Ujori

Këtu janë ditët e rritjes, nuk po them që nëse shprehni një dëshirë, ajo do të realizohet menjëherë, por mund të fokusoheni në diçka konkrete; Mos hezitoni të dilni përpara nëse ka një projekt që ju intereson. Një punë që nisi në fund të vitit të kaluar, në mënyrë krejtësisht eksperimentale, tashmë mund të kthehet në një sukses të dukshëm. Për më tepër, këto ditë mund të sjellin lajme sentimentale, takime dhe miqësi të këndshme; rinovohet dëshira për të bërë diçka të bukur, është më e lehtë të rishikosh një zhvillim dhe ta zgjerosh atë. Një dozë e mirë krijimtarie kthehet. Të rinjtë do të duan të përfshihen në mjedise të tjera, edhe në qytete të tjera nëse është e mundur.

Peshqit

Situata astrologjike bëhet sërish aktive, do të mund të mbështeteni në intuita të veçanta dhe vetëm melankolia dhe pesimizmi mund të bllokojnë një fazë rinovimi që ju ftoj ta keni në fokus. Yjet tregojnë dhe sinjalizojnë periudhat më të mira, por ne jemi ata që duhet të përveshim mëngët dhe të fokusohemi tek intuitat më të mira. Kjo është një fazë e jetës suaj në të cilën duhet t’i kushtoni vëmendje gjithçkaje që ndodh, ndaj ngrini antenat! Emocionet e zemrës deri në fund të marsit do të jenë më të gjalla, ka një fazë ripërtëritjeje dhe kështu deri në maj do të ishte e përshtatshme të vendosni për një marrëveshje ose të ndryshoni gjithçka që është e gabuar. Është e lehtë të bësh paqe nëse kohët e fundit ka pasur një krizë dashurie, më shumë maturi me Dashin, Luanin dhe Gaforren. /noa.al

https://noa.al/lajmi/2024/02/2424915.html