SHBA- Aktori i njohur Brad Pitt duket tejet i lumtur në marrëdhënien e tij të re me të dashurën Ines de Ramon, thotë një burim ekskluzivisht për PEOPLE. Pasi u konfirmua se fituesi i Oscarit dhe e dashura e tij po bashkëjetojnë në shtëpinë e tij në Kaliforni, një burim thotë se shpërngulja ishte hapi i ardhshëm "i natyrshëm" në marrëdhënien e tyre.

“Ata po kalonin aq shumë kohë së bashku sa kishte kuptim që Ines të jetonte me të”, thotë burimi i brendshëm. “Brad është shumë i lumtur dhe i pëlqen të kalojë kohë me Ines.”

Çifti u pa së bashku për herë të parë në nëntor 2022, me burime që pretendonin se ata tashmë ishin takuar për "disa muaj" deri atëherë. Më parë, de Ramon, e cila është themeluesja e ‘Anita Ko Jewelry’, u nda nga aktori Paul Wesley në vitin 2022 pas tre vitesh martesë. Ndërkohë, Pitt u nda nga Angelina Jolie në vitin 2016 pasi filluan të takoheshin në vitin 2005 dhe u martuan nëntë vjet më vonë në 2014.

“Që nga divorci, Brad ka qenë në disa lidhje, por asnjëherë seriozisht”, thotë burimi. “Kjo është lidhja e parë serioze dhe ai nuk mund të ishte më i lumtur se kaq”.

"Me Ines, ai gjeti përsëri shkëndijën e tij," thonë ata. “Është vërtet e mahnitshme ti shohësh. Brad është një djalë i mrekullueshëm. Ai e meriton të jetë i lumtur.”