![](/assets/images/noa-white-logo.png)
![](https://noa.al/newsImages/2024/02/balla.jpg)
Një ngjarje e rëndë ka ndodhur në Kamëz, ku një 27-vjeҫare, është hedhur kati i katërit i një pallati, e për pasojë ka gjetur vdekjen.
Lidhur me këtë ngjarje të rëndë, ku një 27-vjeçare dyshohet se i dha fund jetës pas publikimit të një ftoje intime në rrjetet sociale, ka reaguar Ministri i Brendshëm Taulant Balla.
Ai ka bërë thirrje që ndryshimet ligjore në adresimin e rreziqeve të dhunës on-line,të konsultohen dhe miratohen sa më shpejt.
“Policia e Shtetit ka identifikuar dhe ndaluar një person të dyshuar për shantazh dhe dhunë me bazë gjinore në rrjetet sociale me pasojë të rënda për jetën e një shtetasje. I kam kërkuar Policisë së Shtetit të rrisim forcën zbuluese dhe reaguese për parandalimin dhe eliminimin e dhunës ndaj grave e vajzave në të gjitha, e cila mbetet forma më e përhapur e shkeljes së të drejtave të njeriut në mbarë botën! Gjithashtu ndryshimet ligjore në adresimin e rreziqeve të dhunës on-line, duhet të konsultohen dhe miratohen sa më shpejt.
Asnjë justifikim ndaj dhunës – as në shtëpi, as në vendin e punës, as në jetën publike, as online. Askund!”,- shprehet Balla.
E reja ishte e martuar në Kosovë dhe ishte nënë e një vajzë. Për shkak, të problemeve me bashkëshortin, ajo ishte ktheyr te prindërit e saj në Kamëz.
27-vjeçarja dyshohet se u vetëvra pas publikimit të një fotoje intime në rrjetet sociale, nga personazhi i TikTok-ut, Altin Çoku.
Bashkohu me kanalin e NOA WhatsApp për lajmet më të fundit direkt në celularin tënd
![](/assets/images/shenim-news.jpeg)