Në javën e 25-të të Superligës Turke, Fenerbahçe u përball me Alanyasporin (2-2). Në pjesën e parë të ndeshjes tejet emocionuese, portieri i Alanyaspor, Ertuğrul Taşkıran tërhoqi reagimin e tifozëve. Ky ishte momenti i parë i nxehjes së gjakrave mes dy palëve. Mësohet se ka pasur gjithashtu një sherr në hyrje të tunelit të stadiumit, kur skuadrat po shkonin në dhomat e zhveshjes pas fishkëllimës së fundit të pjesës së parë.

Protestat kundër Ertuğrul Taşkıran, ndaj të cilit tifozët e Fenerbahçe reaguan për vonesë loje, u shtuan pas fishkëllimës së gjyqtarit kryesor. Pasi Çağdaş Altay e përfundoi pjesën e parë, nga i gjithë stadiumi nisën kore fyese ndaj Ertuğrul Taşkıran.

Ky i fundit u drejtua drejt dhomës së zhveshjes në një mënyrë të dëshpëruar. Ndërkohë, Leonardo Bonucci i Fenerbahçes ishte një tjetër emër që reagoi ndaj Ertuğrul Taşkıran. Leonardo Bonucci u pa duke shtyrë Ertuğrul Taşkıran në hyrje të tunelit të dhomës së zhveshjes.

Pas këtij reagimi të Leonardo Bonuccit, trajneri i portierëve të Alanyaspor, Metin Aktaş, është inatosur shumë. Është vërejtur se ka pasur tension të madh mes Leonardo Bonucci dhe Metin Aktaş, deri edhe shtytje fizike.

Arbitri i ndeshjes Çağdaş Altay dhe ndihmësit e tij kanë mbetur për pak kohë në fushë për shkak të sherrit në hyrje të tunelit. Pas përfundimit të ngjarjeve, Çağdaş Altay dhe ekipi i tij shkuan në dhomat e zhveshjes.

Bu pozisyonu unutturmayın Bonucci Alanyaspor antrenörüyle kavga ediyor gözlemci raporları nerede kavga Eden adama ceza yokmupic.twitter.com/49sMIcDywT

— Berke ☘️ (@Nelssonizm25_) February 11, 2024