Massimiliano Allegri, duke folur në konferencën para ndeshjes në shtëpi kundër Udinese, përsëriti faktin se tri pikët janë thelbësore për ta mbajtur të pandryshuar diferencën me Interin. Më pas ai ka trajtuar çështjen e sulmuesve, duke thënë se Vlahovic nuk do të jetë në dispozicion, ndërsa nuk ka dhënë përgjigje përfundimtare mbi balotazhin mes Chiesa dhe Yildiz. Më pas ai tha se është ende herët për ta parë Alcaraz në fushë.

Si funksionoi grupi këtë javë?

Grupi ka punuar mirë si çdo javë dhe nuk mund të ankohem. Duhet t’iu rikthehemi fitoreve, sepse në dy ndeshjet e fundit morëm një pikë, ndaj një ekipi që për mendimin tim, për shkak të vlerës që ka dhe ndeshjet që ka luajtur, nuk e meriton renditjen aktuale.

Çfarë është Juventusi për Allegrin dhe sa e sheh veten bardhezi?

Le të përpiqemi ta përfundojmë mirë sezonin, kam edhe një vit të mbetur në kontratën time. Ne gjithmonë varemi nga rezultatet. Jam i kënaqur me vijën e finishit, sepse barazohem me Lippin, i cili bëri historinë e futbollit italian dhe Juventusit. Jam shumë i lumtur, por sot kemi një ndeshje për të fituar. Pankina ime numër numër 405 zë vendin e dytë.

Si është Vlahovic? A do të fillojë Chiesa nga fillimi?

Vlahovic nuk ka asgjë të veçantë, ai duhet të jetë në dispozicion javën e ardhshme. Do të marrim Cerrin nga Next Gen, sot do të vlerësoj Yildiz, ndërsa Chiesa do të luajë.

A mund të luajë Alcaraz nga fillimi?

Jo, ai erdhi një javë më parë, ka potencial për t’u përmirësuar. Të japësh vlerësime pas një jave është e vështirë, do të jetë i dobishëm për ne në fund të sezonit.

A e dëshmon edhe më shumë fitorja ndaj Romës se Interi është favorit?

Nuk na duhej të prisnim ndeshjen kundër Romës për të ditur se zikaltrit ishin favoritë. Ne, pasi kemi grumbulluar 53 pikë, duhet të kthehemi te fitorja sot, sepse do të largoheshim ndjeshëm nga vendi i pestë. Në futboll kurrë nuk i dihet. Është e rëndësishme të kthehemi 4 pikë pas Interit. Le të bëjmë rrugëtimin tonë, Interi po bën gjëra të jashtëzakonshme.

A mund të çojë fitorja e Interit në motivim shtesë për ju?

Krahasuar me atë të Napolit është një situatë ndryshe për ne. Fitorja e Interit duhet të na bëjë edhe më të motivuar. Duke fituar do të distancoheshim nga vendi i pestë në renditje, do të ruanim largësinë prej 4 pikësh nga kreu. Të luajmë në Ligën e Kampionëve të sezonit të ardhshëm është shumë e rëndësishme.

Si është skuadra mentalisht?

Jemi mirë, humbja e një ndeshjeje direkte është në rregull. Në Milano humbëm kundër një ekipi që po bën gjëra të jashtëzakonshme, ishte një ndeshje ku mësuam shumë.

Një pikë në dy ndeshje, a mund të konsiderohet një mini krizë?

Kemi pasur dy ndeshje dhe morëm një pikë, ky është fakt. Duhet të punojmë për këtë. Këto gjëra kanë rëndësi në fund. Sot duhet ta përballojmë ndeshjen me shumë respekt për Udinesen.  Futbolli është i çuditshëm dhe gjithçka ndodh.