Transmetuar më 12-02-2024, 09:30

Policia e Kamzës ka arrestuar 39-vjeçarin Altin Çoku për shkak se dyshohet për veprën penale “Shkaktimi i vetëvrasjes”.

Sipas policise, aii publikoi një foto intime një 27-vjeçareje, e cila për këtë shkak dyshohet se u vetëhodh nga tarraca e katit të katërt dhe për pasojë humbi jetën, kapet dhe vihet në pranga 39-vjeçari.

27-vjeçarja ishte e martuar në Kosovë dhe kishte edhe një fëmijë. E reja ka pasur takim me 39-vjeçarin dhe ai i ka bërë foto intime dhe i bënte presion, ku edhe i është publikuar në rrjetet sociale.

Vajza nuk e ka përballuar situatën dhe ka ndërmarrë veprimin ekstrem duke u vetëhedhur nga kati i katërt.

Shërbimet e komisariatit nr.5 pas dëshmive të familjarëve të vajzës dhe këqyrjes që telefonit të saj kanë zbardhur ngjarjen.

I arrestuari ka mohuar se ia ka nxjerrë ai foton, por sipas tij ia kanë marrë shokët e tij dhe e kanë publikuar.

Dyshohet se nuk ishte rasti i parë që 39-vjeçari bënte presione të tilla ndaj femrave.

Policia po verifikon edhe një rast tjetër në Laç, ku dyshohet se 39-vjeçari ka shantazhuar me foto intime një vajzë tjetër.

I arrestuari është personazh i njohur në rrjetin social TikTok për konfliktet që ka pasur me personazhe të tjerë.

Bashkohu me kanalin e NOA WhatsApp për lajmet më të fundit direkt në celularin tënd