Kanë mbetur edhe pak ditë deri në festën e të dashuruarve par excellence. Nëse ende po kërkoni dhuratën perfekte për të dashurin/ën tuaj, ja disa sugjerime që ju sjell noa.al.

Kornizë me fotografi

Mes shumë fotove që do të keni bërë së bashku me të dashurin/ën tuaj, sigurisht që do të ketë disa të veçanta, të cilat përshkruajnë një moment veçanërisht të rëndësishëm në jetën tuaj ose një përvojë të veçantë. Këtë mund ta printoni dhe ta futni në një kornizë të shkëlqyer: një dhuratë që me siguri do të vlerësohet.

Orë inteligjente

Nëse partneri/ja juaj e do teknologjinë, ju mund t’i jepni një orë inteligjente, që është kthyer tashmë në një kompjuter të vërtetë që vihet në dorë dhe ka karakteristika të shumta.

Darkë nën dritën e qirinjve

Organizimi i një darke në shtëpi me pjata të përgatitura rigorozisht me duart tuaja vetëm sa do ta lumturojë të dashurin/ën tuaj. Në qendër të tavolinës, padyshim që nuk mund të mungojë një qiri, për të krijuar një atmosferë magjike dhe romantike. Një shishe shampanjë dhe dy gota janë gjithashtu një domosdoshmëri, me të cilat të theksoni dashurinë tuaj.

Kuti beauty

Ne e dimë shumë mirë se sa shumë kujdeset një femër që të kurojë veten. Pra, një kuti bukurie do të ketë gjithmonë efektin e saj, me të dashurën tuaj që mezi pret të provojë produktet e reja.

Një bizhu

Mund të duket si një dhuratë banale, por një bizhuteri vlerësohet gjithmonë nga një femër. E rëndësishme është që të zgjidhet me kujdes, duke pasur parasysh shijet e gjysmës suaj më të mirë.

Komento më poshtë një dhuratë tjetër që sugjeroni, ose tregoni një dhuratë të veçantë që keni bërë.