Transmetuar më 11-02-2024, 11:20

Kavajë – Ajo që mbrëmë u tha nga policia se ishte një vdekje natyrale, sot rezultoi se ishte vrasje brenda familjes.

Noa.al mëson se gruaja 75 vjeçe që u gjet e vdekur në banesën e saj në Kavajë, sipas hetimit është vrarë nga djali 35 vjeçar Ndriçim Sokoli.

Krimi ndodhi në fshatin Vilë-Bashtovë, Rrogozhinë, rrethi Kavajë ku mbrëmë, është gjetur në banesë, pa shenja jete shtetasja I. K., rreth 75 vjeçe.

Nga veprimet e para hetimore y dysjua se 75 vjeçarja kishte humbur jetën për shkaqe natyrale.

Por ajo që fillimisht u raportua fillimisht si vdekje natyrale, rezultoi krim i shëmtuar.

Policia konfirmoi se si rezultat i veprimeve të thelluara hetimore, është zbardhur shkaku i humbjes së jetës së 75-vjeçares.

Mësohet se 35 vjeçari Ndriçim Sokoli e vrau nënën me të cilën jetonte, nëpërmjet dhunës fizike.

Në momentet e para, nga këqyrja e jashtme paraprake e trupit të 75-vjeçares, nuk janë konstatuar shenja dhune dhe ngjarja është raportuar si vdekje natyrale.

Pas kryerjes së hetimeve të thelluara dhe ekspertizës mjeko-ligjore, është konstatuar se shtetasja I. S. kishte disa orë që kishte humbur jetën.

Gjithashtu, rezultoi se djali i saj, shtetasi N. S., i cili vuan nga sëmundje mendore, kishte ushtruar dhunë fizike ndaj 75-vjeçares, dhunë e cila i kishte shkaktuar dëmtime që kishin sjellë si pasojë humbjen e jetës.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme. /noa.al

Bashkohu me kanalin e NOA WhatsApp për lajmet më të fundit direkt në celularin tënd