Gjendet i vdekur në dhomën e hotelit në Korçë 40-vjeçari nga Tirana.

Mësohet se ngjarja u regjistrua në një hotel në lagjen nr.12 të këtij qyteti.

Ende nuk dihen arsyet e vdekjes.

Policia dhe grupi hetimor shkuan në vendngjarje.

Policia informon se ‘në lagjen nr.12, Korcë, në një banesë të marrë me qira, është gjetur i pajetë nga punonjësja për mirëmbajtjen e banesës, shtetasi O. R. 36 vjeç, banues në Tiranë.

Nga këqyrja paraprake e trupit nuk janë konstatuar shenja dhune dhe dyshohet se ky shtetas ka humbur jetën për shkaqe natyrale.

Grupi hetimor, në drejtimin e Prokurorisë, po vijon punën për zbardhjen e shkakut të humbjes së jetës dhe për sqarimin e rrethanave të rastit’.