Sa të rëndësishme janë gratë në zgjedhjen e një destinacioni merkatoje në futboll? Shumë, siç tregojnë disa histori. Dhe për ta konfirmuar këtë mendon Sven-Goran Eriksson, i cili e përshkruan David Beckham në luftë me Victoria-n, gruan e tij, pas kërkesës së suedezit, i cili e kishte ftuar të kthehej në Mbretërinë e Bashkuar për të luajtur futboll.

Ish-trajneri i kombëtares së Anglisë e tregoi këtë anekdotë gjatë një mbrëmje gala të organizuar nga BBC pak kohë më parë. Ndërmjet viteve 2010 dhe 2011, Sven-Goran Eriksson ishte trajneri i Leicester City.

Në të njëjtën kohë, David Beckham luante në Shtetet e Bashkuara të Amerikës, me fanellën e Los Angeles Galaxy. Legjenda angleze dhe e gjithë familja e tij e kanë dashuruar kontinentin e ri. Në fakt, "Becks" iu pëlqen SHBA-ja aq shumë, saqë një pjesë të pasurisë së tyre e investuan në një ekip futbolli në Miami.

Shkurtimisht, nuk flitet për kthim në Angli, nëse jo për raste të veçanta dhe të izoluara…, që nga viti 2010. Eriksson tha për këtë në radion suedeze "Summer in P1": "Isha i ftuar në një darkë gala të organizuar nga BBC. Aty ishin edhe David e Victoria Beckham. David kishte 4 vite që luante në Shtetet e Bashkuara dhe unë isha trajner i Leicester City”.

Eriksson nuk e kishte llogaritur zonjën Beckham: "E pyeta Davidin nëse do të dëshironte të kthehej në Angli dhe ndoshta të vinte të luante për ne. David tha se dukej një ide interesante. Ishte tipike për David, ai kurrë nuk donte të më thoshte jo. Të nesërmen në mëngjes, Victoria hyri në dhomë-zyrën time.

Ajo më shikoi mjaft e inatosur dhe me pyeti nëse isha i çmendur ta imagjinoja Beckham te Leicester. Më vonë David kërkoi falje dhe qeshi me mua duke më shpjeguar se kur ishin në Madrid, as kryeqyteti spanjoll nuk ishte mjaft elegant për gruan e tij. Me pak fjalë, gjithçka ishte në rregull për David, por kurrsesi për Victoria.