Kalendari nuk ju jep hapësirë ​​për frymëmarrje, lojtarët luajnë shumë dhe lëndohen me frekuencë në rritje. Dhe nëse dëmtohen me kombëtaret, nënvizon “Corriere della Sera”, nisin sërish polemikat me klubet: kush i paguan rrogat? Për t’i qetësuar ata, FIFA prezantoi në vitin 2012 një fond, “Programin e Mbrojtjes së Klubeve”, me të cilin do të kompensonte presidentët e tërbuar të klubeve. Por, për shumë, ky fond nuk është i mjaftueshëm.

Barça do të fitojë rreth 4.3 milionë euro

Të dielën, Gavi, talenti i Barcelonës dhe ish-shtylla e Spanjës, këputi ligamentin e kryqëzuar të përparmë në gjurin e tij të djathtë kundër Gjeorgjisë. Sezoni përfundoi për të, lamtumirë Kampionatit Evropian dhe Olimpiadës. Zemërimi po shtohet në Spanjë, por Barça do të marrë rreth 4.3 milionë euro dëmshpërblim nag FIFA dhe do të jetë në gjendje të përdorë 7 milionë të tjera për të nënshkruar me një zëvendësues. Një rregull i La Liga-s që lejon që 80 për qind e pagës së lojtarit të dëmtuar të investohet në tregun e transferimeve, si kompensim nga FIFA.

80 milionë euro në vit

Një ngushëllim i vogël, i mundshëm falë programit që hyn në veprim nëse lojtarët pësojnë dëmtime në ekipin kombëtar dhe mbeten jashtë fushave për më shumë se 28 ditë, si dhe përfshin stërvitje, udhëtime e ndeshje jashtë. Kapaciteti vjetor prej 80 milionë eurosh, rimbursimet variojnë në varësi të kohëzgjatjes së rikuperimit dhe angazhimit: deri në 7.5 milionë euro për lojtar, e llogaritur në bazë të një kësti ditor kompensimi deri në 20.548 euro, që paguhet për maksimumi 365 ditë.

Lojtarët e Serie A

Bastoni, i cili pësoi një dëmtim në pulpën e këmbës me Italinë, duhet të vlerësohet. Do të jetë e nevojshme të kuptohet se kur do të jetë sërish gati (duket jo përpara Inter-Udinese më 9 dhjetor). Rasti i McKennie është ndryshe, pasi u kthye herët në Torino për të trajtuar tendinopatinë e gjurit të majtë. Ai do të jetë në dispozicion të Allegrit kundër zikaltërve, në fundjavë. Asnjë kompensim për Juven, përfundon “Corriere della Sera”, edhe Interi nuk do ta ketë këtë mundësi.