Ikaria, e vendosur në detin Egje, është një nga ishujt e shumtë të Greqisë. E veçanta e këtij ishulli është jetëgjatësia e banorëve të saj pasi sipas statistikave atje një në tre banorë arrin të 90-at ndërsa shkalla e demencës dhe disa sëmundjeve të tjera kronike janë shumë të ulëta, sipas faqes së internetit të Zonës Blu.

Ishulli është një nga pesë Zonat Blu në botë, të cilat janë rajone të botës ku njerëzit jetojnë rregullisht rreth një dekadë më shumë se mesatarja e SHBA-së ose e Evropës Perëndimore.

Në Ikaria, njerëzit gjithashtu priren të kenë shkallë më të ulët të kancerit, sëmundjeve të zemrës dhe depresionit sesa në SHBA, raportoi The Guardian.

Zona e parë Blu, Sardenja në Itali, u identifikua nga studiuesit Gianni Pes dhe Michel Poulain teksa dhe koncepti u ndërtua nga Dan Buettner, i cili emëroi katër të tjera dhe ka eksploruar zakonet dhe stilin e jetesës së njerëzve në të pesë vendet për të kaluarën.

Ikaria është një ishull i vogël që ndodhet rreth 30 milje nga bregu turk me një popullsi prej rreth 8,400 banorësh.

Për shkak të vendndodhjes së saj gjeografike, historikisht ka qenë objektiv i pushtimeve nga kombet fqinje, gjë që i detyroi banorët në brendësi të vendit, duke çuar në një kulturë të izoluar të rrënjosur thellë në jetën familjare.

Të qëndrosh aktiv deri në të 90-at është e zakonshme atje, si dhe të qëndrosh seksualisht aktiv deri në pleqëri. Një studim mbi Ikaria nga Universiteti i Athinës tregoi se 80% e meshkujve ikarianë midis moshës 65 dhe 100 vjeç ishin ende duke bërë seks.

Ikarianët ndjekin dietën mesdhetare, e cila fokusohet në fruta, perime dhe drithëra dhe kufizon mishin, ushqimet e përpunuara dhe sheqerin e rafinuar.

Njëqindvjeçarët në ishull zakonisht hanë shumë patate, fasule, vaj ulliri dhe peshk, sipas Zonës Blu.

Vendasit pinë gjithashtu qumësht dhie, i cili përmban kalium dhe hormonin triptofan që lehtëson stresin.

Gjithashtu vendasit pinë shumë çaj bimor të bërë duke përdorur produkte kryesore si rigoni, sherebela ose rozmarina. Përveçse përmbajnë antioksidantë, ato janë të pakta në kalori.

Ikarianët që kanë jetuar më gjatë në histori janë prirur të banojnë në malësitë malore të ishullit, sipas faqes së internetit Blue Zones.

Nëpërmjet kopshtarisë, ecjes në shtëpitë e fqinjëve ose vizitës së miqve, ushtrimet futen në jetën e tyre të përditshme.

Një njëqindvjeçar nga Ikaria tha për The Guardian se ai e bën udhëtimin prej një milje për në kafenenë e tij të preferuar dhe kthimin dy herë në ditë, që përbënte një shëtitje të përditshme prej katër miljesh nëpër terren malor.