Një ngjarje e pazakontë ka ndodhur në Angli ku disa prindër të zemëruar u detyruan të shkonin të merrnin fëmijët e tyre në mes të rrugës pasi shoferi i autobusit të shkollës la udhëtimin në mes dhe u largua.

Studentët nga Kingston Maurëard College dhe Dorset Studio School po udhëtonin nga Dorchester në Bournemouth kur shoferi vendosi të largohej nga puna.

Prindërit që gjurmonin fëmijët e tyre në një aplikacion panë se autobusi, i cili tashmë ishte prishur gjatë udhëtimit dhe ishte zëvendësuar nga një tjetër, ishte ndalur rreth orës 18:30 të së mërkurës.

Një prind tha se ishte hera e tretë këtë sezon që autobusi ishte prishur dhe shoferi tha se u largua për shkak të shqetësimeve për automjetet, raporton Daily Mail.

Disa prindër erdhën për të mbledhur fëmijët e tyre, ndërsa të tjerët hipën në një automjet tjetër të dërguar në vendngjarje pasi u njoftuan se shoferi nuk dëshironte të punonte më për kompaninë.