Cristian Totti mbushi 18 vjeç dhe nëna Ilary Blasi ia besoi ceremoninë një organizatori eventesh për mega festa, me tavolina të dekoruara, drita dhe një tortë me shumë shtresa. Të gjitha për qëllimin e rëndësishëm të të parëlindurit të shtëpisë, një futbollisti si babai Francesco Totti, i cili u transferua te të rinjtë e Frosinone në verë, për të fituar përvojë larg hijes së rëndë të babait të tij në "Trigoria". Një festë me stil për Cristian Totti, i cili mundi të festonte së bashku me motrat e tij Isabel dhe Chanel, nënën, tezet dhe të dashurën e tij, Melissa Monti, me të cilën shkëmbeu puthje pasionante. Babai i tij, Francesco Totti nuk ishte aty me partneren e tij të re Noemi.

Ndoshta ndarja, proceset gjyqësore për Rolex, janë ende pengesa për të festuar të gjithë së bashku. Kush e di, ndoshta në ditëlindjen e 18-të të Chanel, pas disa vitesh, e gjithë familja do të jetë në gjendje të festojë së bashku.

Para se të organizonte ‘aktin e dytë’ të datëlindjes së të birit, ish-kapiteni verdhekuq ndau një foto të djalit kur ishte i vogël në Instagram me shkrimin: "Urimet më të mira, dashuria ime!"

Ditëlindje e dyfishtë për Cristian Totti. Pas festës surprizë të organizuar nga nëna Ilary, djali i ish-kapitenit të Romës ka festuar mbrëmjen e djeshme edhe me babain.

Pra, pjesa e dytë e 18-vjetorit të lindjes ka kaluar me të atin dhe pjesën tjetër të familjes. Ashtu si në stilin e Francesco, ishte një mbrëmje e thjeshtë, shtëpiake, por plot dashuri.

Totti, në shtëpinë ku jeton tani, në Romën Veriore, me partneren e re Noemi, mblodhi të gjithë familjen dhe miqtë e tij të përjetshëm. Darkë, dolli, balona, ​​një numër i madh 18 dhe shumë përqafime.

Gjatë festës ka qenë një moment shumë prekës. Cristian, motrat e tij Chanel dhe Isabel, kushërirat e tij (fëmijët e Riccardo) Giulia, Aurora dhe Gabriele lëshuan një tullumbace në ajër me shkrimin: "Kudo që të jesh". Ky mesazh i kushtohej Enzos së ndjerë, “sherifit”, babait të Tottit dhe gjyshit të Cristian.

Miqtë e Cristian u dyndën masivisht në këtë ditëlindje, duke gjetur një vend në tryezën e gjatë që i parapriu momentit të shumëpritur dhe të fotografuar të tortës. Përveç nënës së tij, motrës Isabel dhe të dashurës Melissa, gjatë prerjes së tortës ka vrapuar për ta përqafuar edhe 16-vjeçarja Chanel, e shoqëruar nga i dashuri i saj Cristian Babalus.

Çifti shpesh shkakton polemika për videot e publikuara në rrjetet sociale. Pas pushimeve në Tenerife, Cristian Bablus publikoi një video të tij duke ecur me shpejtësi me Lamborghini, duke vozitur me 150 km/h teksa po bënte një video.