Ikja nga vendi është një trend për vendit tonë dhe jo vetëm, teksa ekziston dhe kjo mundësi “e artë” ku disa vende mund t’ju paguajnë mjaft mirë për të jetuar atje falë skemave të tyre ndihmëse.

Në të gjithë Evropën, qytetet me popullsi në pakësim kanë dalë me një zgjidhje radikale për të joshur banorët e rinj duke ofruar stimuj bujarë në para. Shumë zona rurale po përballen me plakjen e popullsisë pasi të rinjtë lëvizin në qytete ose zgjedhin të mos kenë fëmijë. Për ta luftuar këtë, disa qeveri vendore po inkurajojnë të huajt që të strehohen me grante për zhvendosje dhe pagesa në para.

Nga Spanja në Itali, këtu janë të gjitha vendet në Evropë që do t’ju paguajnë për t’u zhvendosur atje.

1.  Albina në Alpet zvicerane është shtëpia e më pak se 250 banorëve. Për të shtuar popullsinë e saj, komuna e vogël po ofron t’i paguajë familjeve mbi 50,000 euro për të lëvizur atje. Të rriturit nën 45 vjeç do të marrin 25,000 franga zvicerane (25,300 €) për të kaluar atje, plus 10,000 franga zvicerane (10,120 €) për fëmijë. Skema është e hapur vetëm për shtetasit zviceranë ose të huajt e kualifikuar që kanë jetuar në Zvicër për një kohë të mjaftueshme për të marrë një leje qëndrimi C.  Aplikantëve u kërkohet gjithashtu të jetojnë në një shtëpi me vlerë të paktën 200,000 franga zvicerane (202,310 €) dhe duhet të angazhohen për të jetuar në Albina për 10 vjet.

2.  Ponga, një qytet dhe komunë me 600 banorë në veriperëndim të Spanjës, do t’u paguajë britanikëve 2,600 £ (2,971 €) secili për t’u zhvendosur atje. 2600 £ të tjera do të jepen për çdo fëmijë të lindur atje. Për të përfituar nga oferta, britanikët duhet të angazhohen të jetojnë në Ponga për të paktën pesë vjet.

3.  Fshati spanjoll Rubia në Galicia do të paguajë të huajt deri në 150 euro në muaj për të jetuar atje. Skema synon familjet me shpresën për të rritur numrin e nxënësve në shkollat ​​lokale. Rubia ndodhet në veriperëndim të Spanjës, 2.5 orë me makinë në lindje të Santiago de Compostela.

4. Në Kalabri, rajoni jugperëndimor i Italisë, zhvendosja në një fshat me 2,000 banorë ose më pak, do t’ju bëjë të fitoni deri në 28,000 €. Nisma shpreson të luftojë shpopullimin. Të interesuarit për të aplikuar duhet të jenë 40 vjeç e poshtë dhe të lëvizin në rajon brenda 90 ditëve nga pranimi i aplikimit të tyre. Ata gjithashtu duhet të hapin një biznes ose të gjejnë punë në një sektor që ka nevojë për më shumë punëtorë. Këtu përfshihen restorantet, hotelet dhe dyqanet.

5. Ishulli italian i Sardenjës po u ofron njerëzve 15,000 euro për t’u zhvendosur atje. I njohur për plazhet me rërë, qiellin blu dhe ujërat e kristaltë, “perla” mesdhetare përballet me rënien e numrit të popullsisë rurale, ndërsa të rinjtë vendas lëvizin jashtë vendit për punë. Për të luftuar këtë eksod, qeveria ka ndarë mbi 45 milionë euro për këtë dukuri, të mjaftueshme për të mbuluar 3000 grante. Për t’u kualifikuar për grantin, do t’ju duhet të zhvendoseni në një komunë të Sardenjës me një popullsi prej më pak se 3,000 njerëz. Gjithashtu paratë duhet të përdoren për të blerë ose rinovuar një shtëpi. “Miqtë” duhet të jetojnë atje me kohë të plotë dhe duhet të regjistrohen për qëndrim të përhershëm në Sardenjë brenda 18 muajve nga mbërritja.

6. Irlanda po ofron stimuj bujarë në para për njerëzit që dëshirojnë të lëvizin në një nga ishujt e largët të vendit. Nisma është pjesë e politikës së qeverisë "Ishujt tanë të gjallë", e cila synon të rrisë popullsinë e 30 komuniteteve që nuk janë të lidhura me kontinentin me anë të urave dhe të shkëputura nga shumica. Si pjesë e projektit, qeveria e Irlandës do të paguajë mbi 80,000 euro për banorët e rinj të komuniteteve në det të hapur. Banorët e mundshëm duhet të blejnë dhe të zotërojnë një pronë në një nga ishujt.