KOSOVË- Një grabitje ka ndodhur paraditen e sotme në Kosovë, ku disa persona me armë zjarri kanë grabitur një pikë karburanti në rrugën Ferizaj-Prishtinë.

Pas arritjes së policisë në vendngjarje, grabitësit kanë filluar të qëllojnë me armë zjarri në drejtim të makinës së policisë, duke dëmtuar në masë të madhe automjetin policor, por fatmirësisht dy policët që ishin brenda nuk kanë pësuar lëndime.

Shkëmbim zjarri kishte edhe nga ana e zyrtarëve policor, mirëpo të dyshuarit kanë arritur të largohen nga vendi i ngjarjes me një makinë, e cila iku në drejtim të panjohur. Në automjetin që u arratis dyshohet se ishin 4 persona të armatosur.

Rasti është cilësuar ”Tentim vrasje, shkaktim i rrezikut të përgjithshëm dhe grabitje e armatosur” ka thënë Kanun Veseli, zëdhënësi për informim në rajonin e Ferizajit.