Shkurtimi i inteligjencës artificiale (AI) është emëruar fjala e vitit për 2023.

Leksikografët në Collins Dictionary- një fjalor online mjaft i njohur, thanë se përdorimi i termit ishte "përshpejtuar" dhe se ishte bërë biseda dominuese e vitit 2023.

“Ne e dimë se AI ka qenë një fokus i madh këtë vit në mënyrën se si është zhvilluar dhe është bërë shpejt po aq e përhapur në jetën tonë sa e-maili, transmetimi apo çdo teknologji tjetër dikur futuriste, tashmë e përditshme”, tha drejtori i Collins.

Njoftimi i Collins vjen ndërsa Kryeministri i Mbretërisë së Bashkuar Rishi Sunak pret një samit për 100 liderë botërorë, bosët e teknologjisë dhe studiues të AI për të diskutuar se si të maksimizohen më së miri përfitimet e kësaj teknologjie duke minimizuar rreziqet.

Collins tha se specialistet e tij analizuan Collins Corpus, një bazë të dhënash që përmban më shumë se 20 miliardë fjalë me materiale të shkruara nga faqet e internetit, gazetat, revistat dhe librat e botuar në mbarë botën.

Ai gjithashtu bazohet në materialin e folur nga radio, TV dhe bisedat e përditshme.

Fjalë të tjera në listën e Collins përfshijnë "Nepo Baby", "Greedflation" dhe "Bazball".

Këtu janë pretendentët e vitit 2023 për Fjalën e Vitit, sipas Collins:

Bazball: Një stil i kriketit në të cilin pala e goditjes luan në një mënyrë shumë agresive.

Deinfluencing: Përdorimi i mediave sociale për të paralajmëruar ndjekësit që të shmangin disa produkte komerciale ose zgjedhje të stilit të jetesës.

Nepo Baby: Një person, veçanërisht në industrinë e argëtimit, karriera e të cilit besohet se është avancuar nga prindërit e famshëm.

Ultrapërpunuar: Ushqim i përgatitur duke përdorur metoda komplekse industriale nga përbërës të shumtë, shpesh duke përfshirë përbërës me pak ose aspak vlera ushqyese.

Ngjarje Canon: Një ngjarje që është thelbësore për formimin e karakterit ose identitetit të një individi.

Debanking: Akti i privimit të një personi nga lehtësitë bankare.

Semaglutide: Një ilaç që përdoret për të shtypur oreksin dhe për të kontrolluar sheqerin e lartë në gjak.