Me një “emoji” zemre. Kështu reagoi Veronica Martinelli, 27 vjeçe, bashkëshortja e Lorenzo Pellegrinit në Instagramin e kapitenit të Romës, në fund të orëve të ndërlikuara. Sepse kalimi i kohës nuk mund të përcaktohet ndryshe kur jeni në pritje të fëmijës tuaj të tretë, i cili pritet të vijë në jetë së shpejti.

Lorenzo Pellegrini, në fakt, u akuzua nga Fabrizio Corona se ishte shoqëruar me një eskortë të re rumune. Pas një ore reflektimi dhe konsultimit me avokatët për të mbrojtur veten, bashkëshorten, fëmijët (katër e dy vjeç), si dhe vogëlushin që do të mbërrijë në jetë, ka reaguar Pellegrini.

Në një mënyrë shumë të ashpër: "Më është dashur të humbas tre minuta nga dita ime për të lexuar artikullin e publikuar në një kanal në Instagram, që raporton lajme të shpikura për mua. Megjithatë, nuk dua të humbas tre sekonda për të mohuar disa marrëzi të dukshme.

Avokatët, që i kam mandatuar tashmë, do të mbrojnë interesat dhe mbi të gjitha vlerat e mia dhe të familjes sime.Tani kam gjëra më të rëndësishme për të menduar, duke qenë se shpejt do të lindë fëmija im i tretë. Shpresoj që autoritetet kompetente do të ndërmarrin veprime të menjëhershme për të mbrojtur njerëzit e respektuar”.

Lorenzo Pellegrini dhe Veronica Martinelli janë të martuar që nga viti 2018. Ata u takuan kur të dy ishin 16-vjeçarë dhe nuk e lanë më njëri-tjetrin. Ata kanë dy fëmijë, Camilla dhe Thomas, ndërsa i treti do të vijë së shpejti. Një dashuri e fortë, siç tregohet nga zemra e ndarë përmes mediave sociale nga Veronica, kur Lorenzo publikoi në Instagram përgjigjen ndaj akuzave të Fabrizio Corona.