Robert Lewandowski është vetëm një hap larg përfundimit të një mrekullie të vogël. Sulmuesi polak ende nuk është rikuperuar plotësisht nga ndrydhja e kaviljes së tij e shkallës II, por është ende i gatshëm të bëjë një përpjekje për ta ndihmuar Barçën në "El Clasicon" e kësaj të shtune.

Ndjenjat e sulmuesit në 48 orët e fundit kanë katapultuar dhe këtë të premte ka dalë në stërvitje me grupin. Klubi Blaugrana beson se nëse nuk ka regres, polaku do të kërkojë të jetë pjesë e skuadrës. Ish-lojtari i Bayernit do të testohet me një intensitet pak më të lartë sot.

Nëse kyçi i këmbës i përgjigjet minimalisht, gjithçka tregon se ai do të ulet në stol kundër skuadrës së Ancelottit, diçka e papritur duke marrë parasysh afatet e pritshme të rikuperimit të tij.

Barça e pranon se polaku nuk është 100 për qind, por lloji i lojës së tij e lejon atë të përpiqet të ndihmojë pavarësisht se është pa ritëm konkurrues, pas mungesës në javët e fundit. Ideja është që Robert mund të jetë në stol dhe të marrë pjesë vetëm në rast urgjence maksimale për skuadrën e drejtuar nga Xavi Hernández.

Nga ana tjetër, përdorimi i injeksioneve nuk është një opsion real, pasi lojtari do të ishte më i interesuar ta shmangte një praktikë që mund të ishte e dëmshme.

Situata e fundit – Xavi po rikuperon forcat e tij me afrimin e “El Clasico” të kësaj të shtune. Nëse të enjten ishte Raphinha që u rikthye në stërvitje me grupin, në seancën e kësaj të premteje ishin Lewanwdoski, De Jong, Pedri dhe Koundé, ata që u bashkuan në fushën e “Ciudad Deportiva” dhe u stërvitën me pjesën tjetër të lojtarëve.

Të gjithë ata mund të jenë në dispozicion të trajnerit kundër Real Madridit. Të pestë kanë kaluar nëpër një “korridor” të lojtarëve të tjerë, një gjest i bërë gjithmonë në dhomat e zhveshjes katalanase për të festuar rikthimin e futbollistëve të dëmtuar.

Ata që kanë shanset më të mira për të luajtur kundër Real Madridit janë polaku dhe holandezu, ndonëse kjo do të varet nga ndjenjat e stërvitjes së kësaj të premteje, madje dhe të shtunës para ndeshjes.

Nga grupi i të dëmtuarve, Koundé dhe Sergi Roberto fillimisht u përjashtuan për përballjen kundër të bardhëve të Ancelottit, megjithatë francezi u stërvit me grupin sot. Ish-lojtari i Sevilla ka kërkuar të provojë, sepse dëshiron të jetë në “El Classico”.

Kishte besim se Pedri mund të ishte aty për ndeshjen ndaj Real Madridit, por stafi mjekësor do të marrë vendim ditën e nesërme. Ideja ishte që mund të kishte disa minuta kundër Shakhtarit, por rikuperimi nuk ka qenë aq i kënaqshëm sa pritej dhe duhet pritur. Prania e tij në stërvitjen e së enjtes e daravit disi misterin, asgjë nuk përjashtohet.

Synimi i Xavi Hernández është që ta shtyjë listën e skuadrës deri të shtunën në mëngjes, për të kontrolluar më mirë se cilët nga lojtarët e dëmtuar mund të jenë në dispozicion për “El Clasico”. Ndeshja do të zhvillohet të shtunën prej orën 16:15. Siç shihej në seancën e mëngjesit të së premtes, i vetmi që do të mungojë me siguri është Sergi Roberto, i cili prej datës 18 vuan nga një problem në shputën e këmbës së djathtë.