Në shtator, një operacion eksperimental konkludoi në vendosjen e zemrës së një derri të modifikuar gjenetikisht tek një pacien me sëmundje zemre të fazës së fundit.

Një muaj pas këtij operacioni të suksesshëm mjekët kanë raportuar se deri tani zemra e re e pacientit vijon funksionimin normal dhe pa shenja refuzimi apo infeksioni nga organizmi.

58-vjeçari Lawrence Faucette iu nënshtrua operacionit revolucionar, vetëm i dyti i kryer në një njeri. Sëmundja e zemrës së Faucette dhe kushtet e saj e bënë atë të papërshtatshëm për një transplant tradicional të zemrës njerëzore.

"Mjekët që kujdesen për të besojnë se funksioni i tij i zemrës është i shkëlqyeshëm," tha Dr. Bartley Griffith, drejtor i Programit të Transplantit Kardiak dhe Mushkërive në Shkollën e Mjekësisë të Universitetit të Maryland, i cili kreu operacionin, njofton CNN.

Transplantimi novator i zemrës së derrit në marrësin e gjallë kryhet për herë të dytë ndonjëherë.

Mjekët kanë raportuar se tashmë pacientit i kanë hequr dhe barnat duke vënë re se zemra po funksionon vetë si një organ i vet organizmit të pacientit.   Mjeku, i cili është drejtori i programit tha se fokusi tani është të sigurohet që Faucette të ketë forcën për të kryer funksione rutinë.

Mjekët gjithashtu trajtuan Faucette me një trajtim eksperimental me antitrupa për të  parandaluar refuzimin e sistemit imunitar me organin e ri. Ai vazhdon të monitorohet për ndonjë shenjë refuzimi ose ndonjë zhvillim të viruseve të lidhura me derrat. Derri dhurues u kontrollua gjithashtu nga afër për ndonjë shenjë të virusit ose patogjenit. Spitali tha se Faucette pranoi plotësisht trajtimin eksperimental dhe u informua për të gjitha rreziqet. Përveç kësaj, ai iu nënshtrua një vlerësimi të plotë psikiatrik dhe diskutoi rastin e tij me specialistët mjekësore, shkruan CNN, citon Noa.al.

Sipas qeverisë federale, ka më shumë se 113,000 njerëz në listën e transplantit të organeve, duke përfshirë më shumë se 3,300 njerëz që kanë nevojë për një zemër. Grupi Donate Life America thotë se 17 njerëz vdesin çdo ditë duke pritur për një organ donator.