Ndeshja më e shumëpritur e javës së nëntë të Serie A do të luhet në “San Siro”, ku Milani kryesues do të presë Juventusin e Allegrit. Kuqezinjtë kanë fituar 7 nga 8 ndeshjet e deritanishme në kampionat, këtë edicion, teksa humbja e tyre e vetme erdhi në derbin e Madoninës me një rezultat shumë të rëndë 5-1.

Juventusi, aktualisht i treti, pas Milanit dhe Interit, me 17 pikë nga 5 fitore dhe 2 barazime. Humbja e vetme e “Zonjës së Vjetër” ishte ajo si mysafire e Sassuolos. Sezonin e kaluar, Milani i mundi bardhezinjtë si në ndeshjen e fazës së parë, edhe në atë të dytë: 2-0 në “San Siro” dhe 0-1 në “Allianz Stadium”.

Suksesi i fundit i Juves kundër kuqezinjve jashtë fushe daton në vitin 2021, kur me Pirlon në pankinë fituan 3-1, falë një dopiete nga Federico Chiesa. Po si vijnë skuadrat në përballjen e së dielës? Me shumë mungesa të rëndësishme, për të cilat “Goal.com” shkruan si më poshtë:

Kualifikueset e kombëtares italiane në tetor, më pas do të jetë Milan-Juventus. Në fakt, për javën e 9-të të Serie A (2023-2024), është parashikuar një përplasje direkte në krye mes kuqezinjve dhe bardhezinjve, vazhdimisht një nga ndeshjet më të rëndësishme të kampionatit italian, e vlefshme edhe një herë për titullin.

Megjithatë, jo të gjithë do të mund të marrin pjesë në Milan-Juventus në “San Siro”. Në fakt, mes të skualifikuarve dhe të lënduarve, disa lojtarë të mëdhenj janë të detyruar ta anashkalojnë këtë supersfidë, ngaqë nuk mund të jenë në dispozicion të Piolit dhe Allegrit.

ALEX SANDRO

Dëmtimi i kofshës do ta mbajë Alex Sandro jashtë fushës, të paktën deri në fillim të nëntorit. Braziliani ka munguar disa ndeshje me Juventusin dhe nuk do të jetë as për duelin elitar në mesin e tetorit. Në vend të tij do të jetë Gatti, i cili deri tani ka qenë lart e poshtë (huazuar) në Serie A.

ISMAEL BENNACER

Milani ka hequr dorë nga Bennacer që nga fillimi i sezonit për shkak të operacionit të tij në gju. Lëndimi me të cilin po përballet do të shkaktojë javë të tjera mungesë për algjerianin, që pritet të jetë sërish i disponueshëm midis dhjetorit dhe janarit 2024, kur do t’i duhet të përballet me Kupën e Kombeve të Afrikës.

MATTIA CALDARA

Ndër lojtarët më të pafat në të gjithë panoramën e Serie A, Caldara është sërish në “infermieri”, këtë herë për shkak të një dëmtimi në kyçin e këmbës. Ky nuk është një nga titullarët e Milanit, i cili me siguri do të shitet gjatë vitit 2024.

SAMUEL CHUKWUEZE

Chukwueze pësoi një dëmtim të kërdhokullës gjatë stërvitjes me Nigerinë dhe nuk ka asnjë shans për të luajtur ndeshjen kundër Juventusit. Ish-lojtari i Villarrealit do ta kishte nisur gjithsesi nga pankina, duke pasur parasysh rolin thelbësor të Pulisic në krahun e djathtë.

DANILO

Allegri ka një mungesë të rëndë. Kapiteni bardhezi është i detyruar ta humbasë ndeshjen e madhe kundër Milanit për shkak të një problemi muskulor. Dëmtimi do ta mbajë jashtë Danilon për 20 ditë, me Gatti gati për ta zëvendësuar.

MATTIA DE SCIGLIO

De Sciglio nuk është titullar për Juventusin, por gjithashtu nuk është në dispozicion të Allegrit për ndeshjen e javës së 9-të kundër Milanit. Ligamenti i kryqëzuar do ta mbajë jashtë për një kohë të gjatë, me rikthimin e tij që pritet vetëm në vitin 2024.

NICOLÒ FAGIOLI

Rasti i tij është i njohur. Fagioli do të duhet të qëndrojë jashtë fushës deri në maj për shkak të skualifikimit (ka luajtur baste të paligjshme). Sezoni praktikisht ka përfunduar për mesfushorin, me përjashtim të dy ndeshjeve të fundit të mundshme të kampionatit 2023-2024.

MIKE MAIGNAN

I përjashtuar me karton të kuq në ndeshjen kundër Genoa, në javën e 8-të, portieri francez nuk do të jetë në dispozicion të Piolit për supersfidën ndaj Juventusit. Sportiello do të jetë aty për të mbrojtur kuadratin e e Milanit, pasi ka treguar se është gati për rol titullari.

PAUL POGBA Jashtë fushës për shkak të skualifikimit (doli pozitiv në testet anti doping) në shtator. Edhe Pogba nuk do të jetë në dispozicion për këtë ndeshje. Në terma afatgjatë, periudha e pezullimit mund të ndryshojë, duke pasur parasysh testin pozitiv për Dhea dhe jo për testosteronin, por sigurisht që nuk do të mund të futet në fushë në ndeshjen ndaj Milanit.

MARCO SPORTIELLO Është dëmtuar tri ditë përpara Milan-Juventus, teksa ishte piketuar si zëvendësues i Maignan të pezulluar. Mirante do të jetë mes shtyllave për skuadrën e Piolit, duke luajtur një ndeshje thelbësore me ditëlindjen e tij të 40-të.

THEO HERNANDEZ Edhe Theo Hernandez paguan për transfertën ndaj Genoa, në këtë rast për plotësimin e numrit të kartonëve të verdhë sa për të mos luajtur një ndeshje. Mungesë esenciale për Piolin, aq më tepër ndaj Juventusit. Pa Theo Hernandez, Milani mund të propozojë Florenzin dhe më vështirë të riun Bartesaghi. Do të jenë ditë mendimesh dhe idesh të reja për Piolin.

LOJTARËT NË DYSHIM

Përveç sigurive, ka edhe pikëpyetje të ndryshme. Nga Chiesa te Vlahovic, duke kaluar te Loftus-Cheek, disa lojtarë mund të rikuperohen gjatë ditëve të mbetura në dispozicion. Kushtet e tyre do të vlerësohen dita-ditës, për të kuptuar nëse do të jenë në dispozicion për Milan-Juventus.

Psikiatri i Tonalit: "Pse vuri bast që Milani të fitonte? Një ritual me fat, quhet ‘mendim magjik'"

Sandro Tonali ka vendosur të nisë një rrugë rikuperimi për t’u shëruar nga varësia ndaj lojërave të fatit: pas tij është profesor Gabriele Sani, drejtor i departamentit të psikiatrisë klinike dhe urgjente në Poliklinikën Gemelli dhe profesor në Universitetin e Zemrës së Shenjtë të Romës.

Vetë profesor Sani ka dhënë një intervistë për edicionin e sotëm të ‘Gazzetta dello Sport’, duke u përpjekur të shpjegojë me detaje se çfarë i kalon në mendje një djali, edhe para një futbollisti, që vuan nga varësia nga bixhozi.

"Humbje e plotë e kënaqësisë"

"Po flasim për një varësi patologjike – shpjegon profesor Sani – që ka tipare qartësisht të identifikueshme në nivel objektiv. Ka mjete përkufizimi të kodifikuara në nivel ndërkombëtar. Më e dukshme: humbja e plotë e kënaqësisë për atë që bën, e zëvendësuar me të qenit. ‘të detyruar’ për ta bërë atë.

Procesi i trajtimit fillon me mirëseardhjen dhe njohjen e personit, edhe para pacientit. Dhe përshkruan një trajtim multidisiplinar dhe të personalizuar që përfshin në mënyrë harmonike psikiatër, psikologë dhe grupe terapeutike”.

"SËMUNDJA PREK TË GJITHË"

"Patologjia prek të gjithë, pa dallim – vijon profesori – Një futbollist i ri ka stres dhe përgjegjësi që rrjedhin nga presionet e jashtme, nga vëmendja e medias. Situata që mund të gjenerojnë ankth dhe të aktivizojnë një mekanizëm jofunksional ku "kura" bëhet adrenalina e basteve. Bëhet diçka pa të cilën nuk mund të bësh më, një sjellje kompulsive, e pakontrollueshme në të cilën fitimi i mundshëm nuk ka të bëjë absolutisht me të."

PSE TONALI VENDOSI TE FITUES TE AC MILANIT

"Për shkak se i varur nga bixhozi ka ritualin e tij, ai ndjek një sekuencë supersticioze. Sandro vuri bast që Milani të fitonte për shkak të kësaj. Ishte pjesë e ritualit të tij të fatit, quhet ‘mendimi magjik'".

A DO TË MUND TË KTHOHET TONALI NE NIVELE TË LARTË?

“Jo vetëm kaq – vazhdon profesor Sani – nëse ka mbërritur aty ku ka mbërritur pavarësisht kësaj barre, pasi të jetë çliruar prej saj do të mund të shprehë potencialin e tij sa më shumë dhe ndoshta më mirë se më parë.

A mund të ndihmojë historia e tij? Sigurisht që po, ai ka një imazh të fuqishëm dhe ndarja e tij do të lejojë shumë të rinj të njohin veten tek ai, në sëmundjen e tij dhe të fillojnë të përballen me të”.