Prestigjiozja sportive italiane "Gazzetta dello Sport" ka rikujtuar rastet kryesore kur skuadrat kanë mbetur pa portier, për shkaqe të ndryshme, kur nuk mund të bënim më zëvendësime, dhe janë detyruar të adaptojnë një lojtar të fushës (të roleve të tjera) mes shtyllave.

Kjo përmbledhje ka si shtysë rastin e fundit kur sulmuesi francez i Milanit u improvizua si portier nga nevoja, pas daljes me karton të kuq të Maignan ndaj Genoa, me kuqezinjtë pa të drejtë zëvendësimi më. Këtu më poshtë janë më të famshmit.

1.Olivier Giroud

Faulli i Maignan ndaj Ekuban, karton i kuq për "mbrojtësin ekstrem" kuqezi dhe… Milani nuk ka mundësi për zëvendësim (i ka kryer zëvendësimet e lejuara), me rezultatin 1-0 ndaj Genoa. Pioli detyrohet të dërgojë një lojtar të fushës në portë. Giroud propozon veten, duke veshur dorezat dhe u treguar vendimtar me një pritje të vonë ndaj Puscas.

2.Enzo Perez

Në vitin 2021, River Plate sfidonte Independiente me 25 lojtarë të padisponueshëm për shkak të Covid. Skuadra doli në fushë me lojtarë nga ekipet e të rinjve dhe mbi të gjitha me… Enzo Perez mes shtyllave. Ndeshja përfundoi 2-1, me Perez si protagonist të madh, por kësaj here si portier i improvizuar.

3.Kyle Walker

Precedenti i fundit në Champions League daton në Atalanta-Manchester City, më 2019. Claudio Bravo, portieri i skuadrës së Guardiolës, merr karton të kuq pak minuta nga fundi. Walker, i cili luan si mbrojtës i djathtë, shkon në portë, e mban atë të pastër dhe bllokon një goditje dënimi nga Malinovskyi.

4.Romulus

Vetëm 5 vite më parë, italo-braziliani, mes të tjerash ish-lojtar i Juventusit dhe Lazios, zëvendësoi bashkëkombasin e tij Nicolas në minutat e fundit të ndeshjes Inter-Verona, duke i rezistuar presionit të "San Siros" edhe në rolin e paprecedentë të portierit. Aventura e tij mes shtyllave ka zgjatur disa minuta, gjatë të cilave, megjithatë, evitoi një goditje të fortë të Borja Valeros.

5.Kevin Grosskreutz

Në një ndeshje të Bundesligës mes Borussia dhe Hoffenheim, anësori zëvendësoi Weidenfeller para penalltisë (dhe përjashtimit me karton të kuq), të shkaktuar nga ky i fundit. Grosskreutz kishte detyrën e mundimshme për të pritur një penallti, me skuadrat ende në barazim 1-1 në atë moment. Nuk ia doli, Hoffenheim fitoi 2-1.

6.Felipe Melo

Më shumë se teknikë, duhet personalitet. Të pranosh të kalosh disa minuta mes shtyllave me ekipin tënd nuk është për të gjithë. Këtë e di mirë Felipe Melo, i cili në vitin 2012 ishte një yll i vërtetë në Stamboll, ku shkëlqeu me fanellën e Galatasaray. Në një ndeshje kundër Elazigspor, braziliani bëri portierin pasi Muslera u përjashtua me karton të kuq. Rezultati? Penalltia e pritur ndaj Turkdogan dhe fitore 1-0 për Galatasaray.

7.Rodrigo Palacio

Në vitin 2012, sulmuesi argjentinas veshi fanellën e portierit të Interit gjatë një ndeshjeje të Kupës së Italisë kundër Veronës. Castellazzi u dëmtua dhe Rodrigo e zuri vendin e tij mes shtyllave. Verdheblutë iu afruan golit me Carrozza, goditja e fortë e të cilit e prit në mënyrë sensacionale nga argjentinasi.

8.Guillermo Rodriguez

Në Serie A 2011-2012, Arturo Vidal shënoi nga penalltia kundër… Guillermo Rodriguez, uruguajanit të ngarkuar për të zëvendësuar Antoniolin, pasi ky i fundit kishte kryer faullin e 11-metërshit dhe klishte dalë me të kuqe. Nga distanca e pikës së bardhë, Rodriguez nuk arriti ta hipnotizonte Vidalin. Megjithatë, pak më vonë, ia mohoi Quagliarellës golin për 3-0.

9.Francisco Farinos

Kupa UEFA 2002, Valencia-Inter. Farinos shkon në portë pas përjashtimit të Toldos, në një moment shumë delikat për zikaltrit. Ndeshja e parë në fakt kishte përfunduar 1-1 dhe Interi, me spanjollin mes shtyllave, kaloi në avantazh 1-0 falë golit të Ventolës. Për t’u kualifikuar, ata duhej ta ruanin portën e pastër. Kalpoi pa probleme për Farinos, i cili u lartësua duke evituar goditjet e shumta nga kundërshtarët e tij.

10.Samuel Eto’o

I veshur me uniformën e zikaltërve, kamerunasi fitoi tripletën në vitin 2010. Tifozët e Interit do ta mbajnë mend për golat e tij, por edhe Samuel, gjatë karrierës së gjatë, u detyrua ta rishpikte veten si portier. Ndodhi në vitin 2003, kur zëvendësoi Leo Franko në ndeshjen Bilbao-Malorca.

11.John Terry

Ashtu si në Serie A, edhe në Angli ka disa precedentë në lidhje me lojtarët që improvizohen mes shtyllave. Një për të gjithë? John Terry, komandanti i mbrojtjes së Mourinhos te Chelsea, i cili zëvendësoi Cudicinin në një ndeshje kundër Reading. Cech u dëmtua,  pak çaste pas fillimit, italiani hyri në vend të tij, por humbi ndjenjat në fund, pas një përplasjeje në lojë. Kështu ishte Terry ai që  përfundoi në portë, duke bërë mirë të rezistonte deri në fund të ndeshjes.

12.Rio Ferdinand

Në vitin 2008, gjatë një ndeshje të "FA Cup" kundër Portsmouth, Ferdinand hyri në portë në vend të Kuszczak. Kualifikimi i "Djajve të Kuq" varej nga intuita e Rios, i thirrur për të neutralizuar një penallti. Ai nuk arriti ta bënte këtë, për kënaqësinë e madhe të Portsmouth.

13.John O’Shea

Vetëm një vit para Ferdinandit, ende me Manchester United, bashkëlojtari i Rio u detyrua të zinte vendin e Van der Sarit mes shtyllave. Ish-lojtari i Juves nuk u përjashtua me karton të kuq, por nuk mundi të qëndronte në fushë për shkak të një dëmtimi. Manchestder United po luante ndaj Tottenham dhe O’Shea bëri një ndërhyrje të mrekullueshme ndaj Keane.

14.Phil Jagielka

Sheffield United-Arsenal, 2006. Ndryshe nga shumë kolegë që përjetuan emocionin e të luajturit mes shtyllave për disa minuta, Jagielka qëndroi në portë për më shumë se gjysmë ore. Si ia kaloi? Shkëlqyeshëm, priti një "predhë" të Van Persie.

15.Gennaro Delvecchio

Ish-mesfushori luajti rolin e portierit në dy raste: fillimisht në vitin 2005, në kohën e Lecce, kur ndaloi sulmuesit e Trevisos në një ndeshje në "Via del Mare". Pastaj, një vit më vonë, pasi u transferua te Sampdoria, kur iu desh të vishte dorezat në fund të një ndeshjeje në Reggio Calabria.

16.David DiMichele

Rasti i Felipe Melo te Galatasaray është i rrallë, por jo unik. Madje, "Mbreti David" mburret me dhjetëra gola të shënuar dhe… një penallti të pritur në Kupën e Italisë. Në vitin 2004, Di Michele luante për Udinese dhe, gjatë një ndeshjeje jashtë fushe në Lecce, ai zëvendësoi Handanovic në minutën e 90-të. Slloveni ishte përjashtuar me karton të kuq për një faull, akorduar nga arbitri si penallti. Vucinic u shfaq te pika e bardhë, por gjuajtja e tij u prit nga Di Michele.

17.Francisco Lima

Kujtimi është ende i gjallë në mendjet e tifozëve të Lecce. Ishte viti 1999 dhe, në "Via del Mare", skuadra salentino priti Reggina dhe ishte përpara 2-1. Njëmbëdhjetë minuta para fundit të ndeshjes, Chimenti u përjashtua me karton të kuq dhe vendin e tij mes shtyllave e zuri mesfushori brazilian. Mysafirët mësyjnë portën e Lecce, por Lima neutralizon çdo përpjekje të tyre.

18.Jan Koller

Në vitin 2002, sulmuesi i Borussia Dortmund zëvendësoi Lehmann gjatë një ndeshje të komplikuar kundër Bayern Munich. Koller u vlerësua për shpëtimin e asaj që mund të shpëtohej, por bavarezët gjithsesi arritën të merrnin tri pikët.

19.Fabio Bilica

Tri javë pas shfaqjes në Lima kundër Reggina, e njëjta skenë u përsërit në Milan-Venecia. Mbrojtësi brazilian u thirr për të zëvendësuar Casazza në portë dhe, kundër të gjitha gjasave, priti një penallti të goditur nga Shevchenko. Mirëpo, arritja e tij nuk mjaftoi për të arritur një rezultat, duke pasur parasysh se ndeshja ende përfundoi 3-0 për kuqezinjtë.

20.Ciccio Graziani

Nga Kyle Walker tek Ciccio Graziani. Ashtu si mbrojtësi i krahut të Manchester City, edhe sulmuesi italian u fut në portë për disa minuta gjatë një ndeshjeje të Kupës Evropiane më 1976. Graziani luajti për Torinon, e cila priste Monchengladbach dhe kishte nevojë për një fitore për t’u kualifikuar. Për shkak të tri zëvendësimeve të kryera, Ciccio duhej të bënte portierin në fund të ndeshjes. Ai bëri një pritje të mirë, por Torino nuk arriti të shënonte dhe ndeshja përfundoi 0-0.