Gjykata e Lartë e Republikës së Shqipërisë ka njoftuar se Sokol Sadushi do të jetë kryetar i ri i këtij institucioni.
Përmes një postimi në rrjetet sociale Gjykata ka bërë me dije se Sadushi u zgjodh me 17 vota pro dhe 1 kundër si kreu i ri i Gjykatës së Lartë.
Në këtë mbledhje ishte i pranishëm edhe Zëvendëskryetari i Këshillit të Lartë Gjyqësor.
Kujtojmë që Sokol Sadushi, deri tani ka mbajtur postin e zëvendëskryetarit të KLP-së.
"Mbledhja e Përgjithshme e gjyqtarëve të Gjykatës së Lartë zhvilloi më datë 17.10.2023 procedurën për zgjedhjen e Kryetarit të kësaj Gjykate. Në këtë mbledhje ishte i pranishëm edhe Zëvendëskryetari i Këshillit të Lartë Gjyqësor.
Referuar kërkesave të nenit nenin 51 të ligjit nr. 96/2016 “Për statusin e gjyqtarëve dhe të prokurorëve në Republikën e Shqipërisë” (i ndryshuar), nenit 26, pika 1 të ligjit nr. 98/2016 “Për organizimin e pushtetit gjyqësor në Republikën e Shqipërisë” (të ndryshuar), si edhe vendimit Nr. 485, datë 21.09.2023 të Këshillit të Lartë Gjyqësor “Për miratimin e rregullave për zgjedhjen e Kryetarit të Gjykatës së Lartë”, Mbledhja e Përgjithshme vijoi me kryerjen e procedurës së votimit.", shkruan në rrjetet sociale faqja e Gjykatës së Lartë.
Në përfundim, rezultoi i zgjedhur me me 17 vota pro dhe 1 votë kundër, Z. Sokol Sadushi, si Kryetar i Gjykatës së Lartë. NOA.AL
Bashkohu me kanalin e NOA WhatsApp për lajmet më të fundit direkt në celularin tënd