Transmetuar më 12-10-2023, 23:39

Jasir Asani ngriti peshë tifozat e Kombëtares kur shënoi golin e parë në minutën e 10-të.

Në një prononcim për median ai pranoi se minutat e para ishin të vështira por më pas loja ishte në anën e tyre.

Minutat e para ishin të vështira. Jam mirënjohës për tërë jetën për Sylvinho. Me këtë grup po bëjmë gjëra shumë të mëdha. Kemi besim se do shkojmë në Euro 2024"

Dopieta kundër Çekisë, Taulant Seferi: S’kanë besuar te unë, i lumtur për golat

Taulant Seferi, sulmuesi i Kombëtares foli pas fitores 3-0 kundër Çekisë. Shqipëria mori një fitore të rëndësishme, teksa dopietë shënoi sulmuesi nga Kumanova, që shprehet i lumtur.

“Jam shumë i lumtur për fitoren, pasi ishte një fitore fantastike e mbi të gjitha para gjithë shqiptarëve, por edhe shumë e rëndësishme për Kombëtaren tonë. Jam shumë i lumtur edhe sepse gjeta golin pas shumë kohës me Kombëtaren. Shumica nuk kanë besuar te unë, por falenderoj trajnerin për besimin dhe me ndihmë e Zotit ia shpërbleva atij, familjes sime dhe të gjithë shqiptarëve.”

Skeptikët: “Unë jam një njeri i thjesht, që i kam parë të gjitha komemente dhe kritikat, por përgjigja ime ishte në fushën e lojës dhe falenderoj zotin, trajnerin e familjen time. Unë kam pasur një periudhë shumë të keqe në Zvicër prej dëmtimeve dhe kjo ishte pengesa ime atje. Gabimi im ishte që shkova në një ekip që luante për mbijetesë si Xamax.

Tifozët e Tiranës: “Te Kombëtarja jemi një, si tifozët e Partizanit dhe Tiranës dhe jam shumë i lumtur që i kam bërë të gjithë të lumtur, jemi një grup fantastik dhe jam shumë i lumtur për grupin”, tha Seferi për Supersport.

Bashkohu me kanalin e NOA WhatsApp për lajmet më të fundit direkt në celularin tënd