Vjeshta ka ardhur dhe është koha më e mirë për një ndryshim. Është ajo periudhë kur jemi kthyer nga pushimet, kur e dimë se po vjen një dimër i zymtë, i ftohtë dhe i gjatë, ndaj do të donim të rifreskojmë pamjen dhe jetën tonë. Dhe të dukemi ndryshe, pikërisht me prerje flokësh…
Ajo që femrat gjithmonë arrijnë kur lodhen me pamjen e tyre është – ndryshimi i modelit të flokëve.
Të shkosh në parukeri është një nga zgjidhjet më të thjeshta dhe më të shpejta (nëse parukierja arrin t’ju vërë "në shina" ose të paktën derisa të ndryshoni mendjen), sepse ju jep energji të re – të paktën për pak kohë dhe seksi më i bukur e di shumë mirë këtë.
Një nga modelet më të njohura të flokëve për momentin është ky, i cili i jep menjëherë volum flokëve dhe i bën më të plotë, ndaj është një truk i shkëlqyeshëm për gra e vajza me flokë të hollë ose të rrallë.
Ky model është bërë i njohur në rrjetet sociale dhe vlerësohet nga shumë femra për ofrimin e volumit të jashtëzakonshëm.
Një prerje flokësh U është në fakt një teknikë që shpesh përfshin një formë të caktuar prerjeje dhe stilimi, dhe mund të transformojë pamjen e flokëve tuaj.
Ky model flokësh është një nga truket e parukierëve të famshëm për të krijuar iluzionin e flokëve më të harlisur dhe voluminozë.
Është ideal për ato me flokë të hollë ose të drejtë, pasi heq peshën e tepërt dhe thekson majat e shtresuara, duke dhënë iluzionin e volumit shtesë dhe duke i dhënë flokëve tuaj një pamje më të gjallë.
Anët e flokëve tuaj janë shumë më të holla se pjesa e pasme, kështu që një formë U-je do ta heqë menjëherë atë pamjen e hollë dhe do t’ju japë një model flokësh më të plotë.
Duket si model i shkujdesur, ruan gjatësinë e flokëve duke i dhënë lëvizje dhe volum, dhe përveçse do të jetë më i harlisur, do të duket i shkëlqyeshëm edhe me kaçurrela.
Është relativisht i lehtë për t’u mirëmbajtur dhe nuk kërkon formësim të vazhdueshëm. Në varësi të shpejtësisë së rritjes së flokëve tuaj natyralë, ka të ngjarë të keni nevojë për një prerje të thjeshtë çdo gjashtë deri në tetë javë për të hequr majat e ndara dhe për të ruajtur rritjen e barabartë të flokëve. /noa.al
Bashkohu me kanalin e NOA WhatsApp për lajmet më të fundit direkt në celularin tënd