Autoritetet italiane kanë arrestuar një 30 vjeçar shqiptar në qytezën Riva del Garda pasi ndaj tij ishte në fuqi një urdhër arresti ndërkombëtar për shitje droge.

I riu shqiptar ishte dënuar nga Gjykata e Tiranës me 3 vjet e 4 muaj burg dhe ishte shpallur në kërkim ndërkombëtar.

Mësohet se gjatë kësaj kohe 30-vjeçari punonte si kamerier në një hotel italian, aty ku edhe u arrestua nga policia.

Karabinierët e stacionit Riva del Garda, thanë se në përfundim të një hetimi të shpejtë, arrestuan një tridhjetë vjeçar me kombësi shqiptare i cili jetonte prej disa kohësh në qytetin buzë liqenit.

Gjithçka filloi kur në Stacionin e Karabinierëve mbërriti një shënim nga Shërbimi për Bashkëpunim Ndërkombëtar Policor i cili raportonte praninë e mundshme në Riva del Garda të një personi në kërkim.

Për të riun kishte një urdhër arresti ndërkombëtar që prej datës 23.12.2022 për shkak se ishte dënuar nga Gjykata e Tiranës me 3 vjet e 4 muaj burg pasi u shpall fajtor për krime droge.

Në atë moment, policia e njohu menjëherë fytyrën e subjektit si të njohur dhe filloi të kërkonte personin që po kapej.

Ai u dërgua në burgun e Spini di Gardolo, ndërsa pret ekstradimin drejt Shqipërisë për të vuajtur dënimin.