KOPENHAGEN, Danimarkë – Një artist danez, të cilit iu dha një shumë parash nga një muze në Danimarkën veriore për të krijuar ekspozitën e tij që dy vjet më parë, paraqiti dy kanavacë boshe – të titulluar "Merr paratë dhe ik".

Ekspozita bëri bujë dhe shumëkush u çudit dhe u indinjuar.

Çështja shkoi larg dhe një gjykatë daneze vendosi javën e kaluar që ta konsiderojë krim dhe shpalli se Jens Haaning duhet t’i kthejë 75 mijë euro) Muzeut Kunsten në Aalborg për shkeljen e kontratës së tij.

Avokati i tij, Peter Schønning, tha se artisti bashkëkohor po apelon vendimin dhe nuk pranoi të bëjë komente të mëtejshme.

Muzeu kishte porositur Haaning në vitin 2021 të rikrijonte dy nga pjesët e tij të mëparshme me kartëmonedha të bashkangjitura në kanavacë që përfaqësonin pagën mesatare vjetore në Danimarkë dhe Austri.

Në vend të kësaj, ai paraqiti dy kanavaca boshe për ekspozitën, të titulluar "Work It Out".

Ai tha se vepra artistike përfaqësonte situatën e tij aktuale të punës dhe i mbajti paratë.

Në vendimin e saj këto ditë, Gjykata e Qarkut të Kopenhagës vendosi gjithashtu që Haaning mund të mbajë 6 mijë euro nga shuma që i ishte dhënë nga muzeu, e cila duhet të përbëjë një tarifë artisti, sepse ekspozita e mbajtur nga 24 shtatori 2021 deri më 16 janar 2022, vazhdoi edhe pse me kornizat boshe.

Kur Haaning refuzoi të kthente paratë pas përfundimit të ekspozitës, muzeu ndërmori veprime ligjore.

Haaning ka mohuar të ketë kryer një krim dhe këmbëngul se ai ka prodhuar një vepër arti. /noa.al