SHBA- Policia në Las Vegas, SHBA ka arrestuar një burrë në lidhje me vrasjen e reperit Tupac Shakur gati tre dekada më parë.

Legjenda e hip-hop-it u qëllua katër herë teksa po lëvizte me makinë në Las Vegas në vitin 1996.

Burri u arrestua mëngjesin e sotëm por akuzat që rëndojnë ndaj tij ende nuk dihen. Ai ka qenë prej kohësh i njohur për hetuesit dhe më parë ka pranuar se ishte në Cadillac ku shpërthyen të shtënat me armë zjarri në shtator të vitit 1996.

Arrestimi vjen dy muaj pasi policia e Las Vegas bastisi shtëpinë e gruas së tij më 17 korrik. Dokumentet thonë se policia po kërkonte sende "në lidhje me vrasjen e Tupac Shakur".

Policia raportoi se kishte mbledhur shumë kompjuterë, një telefon celular dhe një hard disk, një revistë Vibe që përmbante Shakur, disa plumba të kalibrit 40, fotografi dhe një libër.