Për disa, grimi është një rutinë që mund të bëhet në pak minuta, ndërsa për të tjerë, një torturë e vërtetë që do të marrë të paktën një orë për të bërë gjithçka duhet. Për të mos përmendur vendosjen e eyeliner-it, gjë që disa njerëz ia dalin vetëm në përpjekjen e pestë – dhe kjo është vetëm një nga gjërat më “të zakonshme” të makijazhit. Dhe në fund të ditës çfarë bëni: Thjesht vendosni për një produkt në "një det" me produkte të ndryshme në treg dhe më pas keni kuptuar se sërish jeni konfuze dhe keni ende vështirësi për ta aplikuar atë që bletë…

Nëse e keni njohur veten në rreshtat e shkruar më sipër, keni një shembull ideal para jush, sepse ne do të shpjegojmë se çfarë teknike ofrojnë admiruesit e grimit në TikTok, të ashtuquajturën teknikë "2.4.2".

Videoja është parë nga më shumë se 11 milionë përdorues. Dhe e gjitha është një rutinë minimale e grimit për një pamje perfekte, sidomos kur jeni me nxitim. Shumë nga ju janë me nxitim, ndaj "o burraaaa", jepini një shans kësaj teknike.

"2.4.2", çfarë do të thotë?

E thënë thjesht, çdo numër korrespondon me numrin e produkteve të përdorura në fytyrë.

Kjo do të thotë: 2 produkte për sytë, 4 për fytyrën dhe në fund, 2 për buzët.

Me këtë metodë, ju në fakt kufizoni veten pikërisht në numrin e produkteve që ju nevojiten, duke i lejuar vetes një pamje natyrale dhe të bukur.

Sepse, siç duket, humbim kohën më të madhe pikërisht për të shtuar produkte të reja, por edhe për të marrë vendime, thotë Gloria në videon e mëposhtme që ju sjell noa.al.

@mahaaa.c UMMM??? #fyp #makeup #relatable ♬ wonderland – tayloraudios?

Ekspertët e TikTok rekomandojnë që të rregulloni përzgjedhjen e produkteve sipas preferencave tuaja.

Për sytë, për shembull, mund të përdorni ngjyrë për vetulla dhe rimel ose eyeliner.

Për fytyrën, mund të filloni me fondatinë, pastaj shtoni korrektor ose pudër mattifikuese – të gjitha në varësi të nevojave tuaja.

Në fund, përfundojeni look-un e make up-it me liner buzësh dhe buzëkuq.

Dhe kjo është e gjitha.

Më në fund minimalizmi

Me metodën e re të grimit, duket se ditët e “grimit të rëndë” janë padyshim pas dhe është e qartë që bota e bukurisë po ecën në një drejtim të ri, më natyral.

Këto trende janë aktuale në rrjetet sociale dhe shumë bukuroshe janë të fiksuara pas minimalizmit, mes tyre edhe Hailey Bieber, madje edhe Kim Kardashian, e cila nuk duket më njësoj.

Me këtë metodë nuk ka më nevojë për një milion "detaje". Tendenca aktuale duket se është kthimi në "identitet".

Foto: Anna Demianenko/Shutterstock