DUKAGJIN- Gjin Guri dhe babai i tij Zef Guri pësuan një atentat mbrëmjen e sotme në Dukagjin.

Nga të shtënat e automatikut, humbi jetën Zef Guri, ndërkohë që 40-vjeçari Gjin Guri është plagosur rëndë.

Kush është Gjin Guri?

Në një njoftim zyrtar, policia lokale tha në orën 19.54 se rreth orës 18:45, në sallën operative të Policisë Shkodër ka ardhur një telefonatë se në malin e Shoshit, ishin plagosur me armë zjarri shtetasit Gj. G. dhe Z. G.

Shtetasi Gj. G. po transportohet në spital, për ndihmë mjekësore, ndërsa shtetasi Z. G, ka humbur jetën disa minuta pasi ka ndodhur ngjarja.

Shërbimet e Policisë, së bashku me grupin hetimor, janë nisur menjëherë për në vendngjarje, por për shkak të largësisë dhe të terrenit të vështirë nuk kanë mbërritur akoma.

Me mbërritjen e shërbimeve dhe grupit hetimor, në vendngjarje, dhe pasi të sqarohen rrethanat e ngjarjes, do të ketë një njoftim tjetër.