Transmetuar më 25-09-2023, 21:00

Vdes në spital një i dënuar që vuante dënimin në Burgun e Beratit.

Ai është Valerio Gërxhi 57-vjeç. Gërxhi humbi jetën gjatë një operacioni në Senatoriumin e Tiranës.

Një 57-vjeçar nga Berati ka gjetur vdekjen gjatë një operacioni në Senatoriumin e Tiranës. Valerio (Vasillaq) Gërzhi ishte duke vuajtur dënimin në Burgun e Beratit, kur gjendja e tij shëndetësore është përkeqësuar dhe ai është dërguar me urgjencë në Spitalin e Beratit dhe më pas drejt Senatoriumit të Tiranës.

Mësohet se i burgosuri vuante nga mushkëria dhe ka gjetur vdekjen në sallën e operacionit, gjatë ndërhyrjes kirurgjikale.

57-vjeçari Valerio (Vasillaq) Gërxhi ishte dënuar me 10 vite burg nga Gjykata e Milanos në Itali për "Prodhim dhe shitje të lëndëve narkotike dhe vendimi penal italian u njoh në Shqipëri, ku Gjykata e Apelit e dënoi atë me 5-vjet burg, të cilat më pas u shtuan në 7-vite burg nga një vendim i marrë nga Gjykata e Lartë.

Burime nga IEVP Brrat bëjnë me dije se vitin e fundit i burgosuri kishte shfaqur probleme të shumta shëndetësore dhe merrte trajtim mjekësor. Të njëjtat burime konfirmojnë se për shkak të problemeve shëndetësore ai kishte kërkuar edhe lirim me kusht por kërkesa e tij nuk ishte marrë parasysh.

Bashkohu me kanalin e NOA WhatsApp për lajmet më të fundit direkt në celularin tënd